5‑ვარსკვლავიან სტუმრობაზე ზრუნვა

სტუმრობისგან მიღებული შთაბეჭდილებები დიდწილად დამოკიდებულია იმაზე, თუ რამდენად საგულდაგულოდ მოემზადეთ სტუმრების დასახვედრად, ამიტომ დასაწყისისთვის გთავაზობთ 5‑ეტაპიან გზამკვლევს.

შეეცადეთ, მომგებიანად, მაგრამ ამავდროულად გულწრფელად, გადმოსცეთ ინფორმაცია სტუმრებისთვის შეთავაზებული საცხოვრებლის შესახებ.

• აღწერილობა უნდა შეესაბამებოდეს რეალობას. დეტალურად აღწერეთ უბანი და საყოფაცხოვრებო პირობები, რომ სტუმრებმა გადაწყვიტონ, რამდენად აწყობთ თქვენ მიერ განთავსებული საცხოვრებელი.

• ჩაასწორეთ განცხადება, თუ საცხოვრებელში რაიმე შეიცვლება. მაგალითად, აღნიშნეთ ახალი საყოფაცხოვრებო პირობები და რეგულარულად განაახლეთ ფოტოები. ზოგიერთი მასპინძელი ფოტოებს სეზონის შესაბამისადაც კი ცვლის.

„თუ საცხოვრებელში რაიმე უჩვეულოა, გულწრფელად და გასაგებად აღნიშნეთ ამის შესახებ აღწერილობაში“, — ამბობს ნიკი, სუპერმასპინძელი სან‑ფრანცისკოდან (აშშ), და დასძენს: „ყოველთვის ბევრს ვფიქრობ იმაზე, თუ ვინ მესტუმრება — აღწერილობა საკმარისად გამჭვირვალე უნდა იყოს, რომ სტუმრობის მსურველებმა სწორი არჩევანი გააკეთონ“.

სტუმრები მოელიან, რომ დაბინავების ან საცხოვრებლიდან გასვლის დროს დაბრკოლებები არ შეექმნებათ.

• მოამზადეთ დაბინავების მკაფიო ინსტრუქცია. ნაბიჯ‑ნაბიჯ განმარტეთ დაბინავების პროცესი და დაურთეთ ინსტრუქციას ნებისმიერი ინფორმაცია, რომელიც, შესაძლოა, გამოადგეთ სტუმრებს, მაგალითად, ფოტოები ან რუკა ისრებით.

• მინიმუმამდე დაიყვანეთ საცხოვრებლიდან გასვლისას შესასრულებელი ამოცანის სია მითითებების შესრულება არ უნდა მოითხოვდეს განსაკუთრებულ ძალისხმევას. აცნობეთ სტუმრებს, როგორ ჩაკეტონ კარი საცხოვრებლიდან გასვლისას.

„ვცდილობთ, საცხოვრებლიდან გასვლის პროცესი მაქსიმალურად მარტივი იყოს“, — ამბობს კეშავი, მრჩეველ მასპინძელთა საბჭოს წევრი ნიუ‑დელიდან (ინდოეთი), და დასძენს: „სტუმრობის შემდეგ ისედაც დამლაგებელი მოდის და დანარჩენს ის მიხედავს“.

დაფიქრდით, როგორ იგრძნობენ სტუმრები თავს საცხოვრებელში შესვლის მომენტში და რა დაამახსოვრდებათ სტუმრობის დასრულების შემდეგ.

• შექმენით სიმყუდროვე. დაახვედრეთ სტუმრებს კომფორტისთვის აუცილებელი ნივთები, მაგალითად, ბალიშები ან პლედები. გამოუყავით სტუმრებს ადგილი თავიანთი ნივთების შესანახად.

• წარმოაჩინეთ ადგილობრივი კულტურა. მაგალითად, შეგიძლიათ მორთოთ საცხოვრებელი ადგილობრივი ხელოვნების ნამუშევრებით, ან გაუმასპინძლდეთ სტუმრებს ადგილობრივი პროდუქციით, თქვენი საყვარელი ადგილები კი გზამკვლევში აღნიშნოთ.

• იყავით კავშირზე. აცნობეთ სტუმრებს, რომ მათ შეუძლიათ ნებისმიერ დროს მოგმართონ. დააყენეთ გაფრთხილებების მიღება, რომ გეცნობოთ, როცა სტუმრები მოგწერენ.

„მთავარია, სტუმრები შინაურულად გრძნობდნენ თავს საცხოვრებელში“, — ამბობს კეტრინი, სუპერმასპინძელი კოლუმბუსიდან (ოჰაიო, აშშ), და დასძენს: „ნუ დაახვედრებთ მათ ისეთ ნივთებს, რომლებიც სხვის სახლში ყოფნის განცდას იწვევს“.

დაფიქრდით, როგორ მოაგვარებთ პრობლემებს, რომლებიც, შესაძლოა, სტუმრობისას წარმოიქმნას.

• მოიმარაგეთ საგანგებო ვითარებაში აუცილებელი ნივთები. აღჭურვეთ საცხოვრებელი ცეცხლმაქრით, პირველადი სამედიცინო დახმარების ნაკრებითა და ფანრით. დაახვედრეთ სტუმრებს საგანგებო ვითარებებში საკონტაქტო ნომრები.

• შეიტყვეთ, დაცვის რა მექანიზმებით სარგებლობთ. პროგრამა „AirCover მასპინძლებისთვის“ გთავაზობთ კომპლექსურ დაცვას, რომელიც უფასოდ მოჰყვება ყველა ჯავშანს.

• შეკარით მხარდაჭერის გუნდი. შეინარჩუნეთ კონტაქტი ტექნიკურ სპეციალისტებთან. ამას გარდა, შეგიძლიათ დაამატოთ თანამასპინძელი, რომელიც დაგეხმარებათ სტუმრებისგან მიღებულ შეტყობინებებზე პასუხის გაცემაში.

შეფასებები და მიმოხილვები დაგეხმარებათ სტუმრებისთვის შეთავაზებული საცხოვრებლის გაუმჯობესებასა და მათი ნდობის მოპოვებაში.

• მიმოიხილეთ სტუმრები. გადაუხადეთ მათ მადლობა, ურჩიეთ რამე და შეახსენეთ, თქვენც დაგიტოვონ მიმოხილვა. სტუმრებსა და მასპინძლებს ერთმანეთის მიმოხილვისთვის სტუმრობის დასრულებიდან 14 დღე აქვთ.
• ყურადღება მიაქციეთ ვარსკვლავებით დაფიქსირებულ შეფასებებს. სტუმრებს შეუძლიათ როგორც მთლიანად სტუმრობის, ისე ცალკეული ასპექტების (სისუფთავის, სიზუსტის, დაბინავების, კომუნიკაციისა და ფასის ხარისხთან შეფარდების) შეფასება ვარსკვლავებით.
• უპასუხეთ მიმოხილვებს. ეს იქნება იმის ერთგვარი დემონსტრირება, რომ მზად ხართ, ხარვეზები გამოასწოროთ. სტუმრის მიერ დატოვებულ მიმოხილვაზე საჯაროდ გამოხმაურების შემთხვევაში თქვენი პასუხი პირდაპირ მის ქვემოთ აისახება.

„მიმოხილვები სერიოზულად უნდა აღიქვათ“, — ამბობს სედი, სუპერმასპინძელი სანტა‑ფედან (ნიუ‑მექსიკო, აშშ), და დასძენს: „სწორედ სტუმრების მოსაზრებების გათვალისწინება მიგიყვანთ ხუთვარსკვლავიან შეფასებებამდე“.

თუ პირველი ჯავშანი ჯერ არ მიგიღიათ, ინდივიდუალური დახმარებისთვის შეგიძლიათ სუპერმასპინძელს მიმართოთ. სუპერმასპინძლები Airbnb‑ზე ყველაზე მაღალი შეფასების მქონე და გამოცდილი მასპინძლები არიან.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.