თანამასპინძელთა ქსელში გაწევრიანება

თანამასპინძელთა ქსელის მეშვეობით ამიერიდან შეგიძლიათ, ინდივიდუალური მხარდაჭერა შესთავაზოთ ადგილობრივ მასპინძლებს. ქსელში გაწევრიანება საშუალებას მოგცემთ:

• პოპულარიზაცია გაუწიოთ საკუთარ თავსა და მომსახურებებს.
• აღნიშნოთ თქვენი მომსახურებების ფასები.
• დაუკავშირდეთ პოტენციურ პარტნიორებს.
• იმუშაოთ დამოუკიდებლად, საკუთარი გრაფიკით.

ყველას, ვისაც თანამასპინძელი სჭირდება, ქსელში ძიების მეშვეობით მარტივად შეუძლია იპოვოს და დაიქირაოს სტუმარ‑მასპინძლობის სფეროში ჩახედული, ადგილობრივი პარტნიორი.

თანამასპინძელთა ქსელი ხელმისაწვდომია ავსტრალიაში, ბრაზილიაში, კანადაში, საფრანგეთში, გერმანიაში, იტალიაში, მექსიკაში, ესპანეთში, გაერთიანებულ სამეფოსა და აშშ‑ში. 2025 წელს მათ რიცხვს მეტი ქვეყანა შეემატება.

თანამასპინძლობის პროფილი განკუთვნილია თქვენი უნარ‑ჩვევებისა და თქვენ მიერ შეთავაზებული მომსახურებების პოპულარიზაციისთვის. აირჩიეთ, თანამასპინძლობის კუთხით რომელი მომსახურების შეთავაზება შეგიძლიათ:

• განცხადების გამართვა;
• ფასებისა და ხელმისაწვდომობის განსაზღვრა;
• დაჯავშნის მოთხოვნების მართვა;
• სტუმრებთან მიმოწერა;
• სტუმრებზე ზრუნვა ადგილზე;
• დასუფთავება და ტექნიკური მომსახურება;
• საცხოვრებლის ფოტოგადაღება;
• ინტერიერის დიზაინსა და სტილზე ზრუნვა;
• ლიცენზირებისა და მასპინძლობის ნებართვების საკითხებზე ზრუნვა.

ამას გარდა, შეგიძლიათ განმარტოთ თქვენ მიერ შეთავაზებული დამატებითი მომსახურებები (მაგალითად, ლანდშაფტის დიზაინი, ბიზნესანალიზი და მასპინძლობის საკითხებში კონსულტირება).

ადგილობრივი მასპინძლები, რომლებსაც დახმარება სჭირდებათ, შეძლებენ თქვენთვის შეკითხვების დასმასა და თქვენი მომსახურების მოთხოვნას. მასპინძლებმა შესაფერისი თანამასპინძლები რომ იპოვონ, ქსელის საძიებო ალგორითმი ითვალისწინებს არაერთ ფაქტორს, რომელთა შორისაა ხარისხის/ჩართულობის მაჩვენებლები და მდებარეობა.

თანამასპინძელთა ქსელში გასაწევრიანებლად საჭიროა:

• მოქმედი განცხადება, რომლის შემთხვევაშიც ხართ მასპინძელი (ან თანამასპინძელი სრული ან კალენდარსა და მიმოწერაზე წვდომით).
• Airbnb‑ზე რეგისტრირებული მასპინძლის ან თანამასპინძლის სტატუსით ნამასპინძლევი მინიმუმ 10 სტუმრობა (ან მინიმუმ სამი სტუმრობა ჯამში 100 ან მეტი ღამის ხანგრძლივობით) ბოლო 12 თვის განმავლობაში.
• მინიმუმ 4,8‑ვარსკვლავიანი საშუალო შეფასება სტუმრებისგან ბოლო 12 თვის განმავლობაში, ყველა იმ განცხადების შემთხვევაში, რომლებშიც ფიგურირებთ, როგორც მასპინძელი (ანდა თანამასპინძელი სრული ან კალენდარსა და მიმოწერაზე წვდომით).
• გაუქმების 3%‑ზე ნაკლები სიხშირე (გამონაკლისები დაიშვება მხოლოდ იმ კონკრეტული საფუძვლიანი მიზეზების შემთხვევაში, რომლებიც თქვენს კონტროლს არ ექვემდებარება).
• ანგარიში Airbnb‑ზე კარგი ისტორიით (დადასტურებული უნდა გქონდეთ ვინაობა, ხოლო სახელი და ფოტო უნდა შეესაბამებოდეს მოთხოვნებს ქსელში საჩვენებლად).

თქვენი პასუხისმგებლობაა, იცოდეთ თანამასპინძლებისთვის მოქმედი ადგილობრივი რეგულაციების შესახებ და მიღებული გქონდეთ ყველა საჭირო ლიცენზია, ნებართვა თუ რეგისტრაციის დასტური. მაგალითად, ზოგან მოითხოვება უძრავი ქონების ბროკერის ლიცენზია (დამოკიდებულია თქვენ მიერ შეთავაზებულ მომსახურებებზე).

ვრცლად თანამასპინძლის დაქირავების შესახებ

გაეცანით თანამასპინძელთა ქსელის მომსახურების პირობებს, საძიებო ალგორითმს, ვინაობის დადასტურების პროცესსა და გაუქმების საფუძვლიან მიზეზებს დახმარების ცენტრში.

თანამასპინძელთა ქსელი ხელმისაწვდომია საფრანგეთში, ესპანეთში, იტალიაში, გერმანიაში, გაერთიანებულ სამეფოში, ავსტრალიაში, მექსიკაში (უზრუნველყოფს Airbnb Global Services Limited); კანადაში, აშშ‑ში (უზრუნველყოფს Airbnb Living LLC); ასევე, ბრაზილიაში (უზრუნველყოფს Airbnb Plataforma Digital Ltda).

თანამასპინძელთა ქსელში წარმოდგენილი მასპინძლები, როგორც წესი, გამოირჩევიან მაღალი შეფასებებით, გაუქმების დაბალი სიხშირითა და Airbnb‑ს მეშვეობით მასპინძლობის გამოცდილებით. შეფასებები ეფუძნება სტუმრებისგან მიღებულ მიმოხილვებს იმ საცხოვრებლებისთვის, რომელთა შემთხვევაშიც ისინი მასპინძლები ან თანამასპინძლები არიან. ამასთან, შეფასებები, შესაძლოა, არ ეხებოდეს იმ გამორჩეულ მომსახურებებს, რომლებსაც კონკრეტული თანამასპინძელი სხვებს სთავაზობს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.