სათქვენო თანამასპინძლის შერჩევა Airbnb‑ს მეშვეობით
ამიერიდან მარტივად შეგიძლიათ პირდაპირ აპიდან იპოვოთ და დაიქირაოთ თანამასპინძელი, რომელიც საცხოვრებელსა და სტუმრებზე იზრუნებს.
თანამასპინძელთა ქსელი დაგაკავშირებთ სტუმარ‑მასპინძლობის სფეროში ჩახედულ, ადგილობრივ თანამასპინძლებთან, რომლებიც დაგეხმარებიან თქვენი საჭიროებების გათვალისწინებით. შეარჩიეთ პოტენციური პარტნიორები, გაეცანით მათ გამოცდილებას, დაიწყეთ თანამშრომლობა და გაუყავით ანაზღაურება.
თანამასპინძელს მასპინძლობის საკითხზე ზრუნვა შეუძლია
თანამასპინძლის დაქირავება შეუძლიათ როგორც პოტენციურ, ისე ახალბედა თუ გამოცდილ მასპინძლებს. ამასთან, მისთვის შესაძლებელია არა მხოლოდ კონკრეტული ამოცანების შესრულების თხოვნა, არამედ მასპინძლობის საკითხის მთლიანად გადაბარება. შესაძლო მომსახურებებს შორისაა:
- განცხადების გამართვა;
- ფასებისა და ხელმისაწვდომობის განსაზღვრა;
- დაჯავშნის მოთხოვნების მართვა;
- სტუმრებთან მიმოწერა;
- სტუმრებზე ზრუნვა ადგილზე;
- დასუფთავება და ტექნიკური მომსახურება;
- საცხოვრებლის ფოტოგადაღება;
- ინტერიერის დიზაინსა და სტილზე ზრუნვა;
- ლიცენზირებისა და მასპინძლობის ნებართვების საკითხებზე ზრუნვა.
თანამასპინძლებს შეუძლიათ დაამატონ სხვა მომსახურებებიც (მაგალითად, ლანდშაფტის დიზაინი, ბიზნესანალიზი ან მასპინძლობის საკითხებში კონსულტირება). ამა თუ იმ თანამასპინძლის მიერ შემოთავაზებული მომსახურებების გაცნობას მის პროფილში შეძლებთ.
ქსელში წარმოდგენილი თანამასპინძლები ერთ‑ერთი საუკეთესო მაჩვენებლებით გამოირჩევიან ჩვენს პლატფორმაზე. სტუმრებისგან მიღებული მათი საერთო შეფასება, საშუალოდ, 4,86 ვარსკვლავს შეადგენს, Airbnb‑თი სარგებლობის სტაჟი კი — 4 წელს. დღეის მონაცემებით, თანამასპინძლების 73% სუპერმასპინძელია, 84%‑ს კი შეხება აქვს მინიმუმ ერთ საცხოვრებელთან, რომელსაც მინიჭებული აქვს სტატუსი „სტუმართა რჩეული“.
თანამასპინძელთა ქსელი ამ ეტაპზე ხელმისაწვდომია ავსტრალიაში, ბრაზილიაში, კანადაში, საფრანგეთში, გერმანიაში, იტალიაში, მექსიკაში, ესპანეთში, გაერთიანებულ სამეფოსა და აშშ‑ში. 2025 წელს მათ რიცხვს მეტი ქვეყანა შეემატება.
თანამასპინძელთა ქსელით სარგებლობა მარტივია
დაიხმარეთ თანამასპინძელთა ქსელი — მოიძიეთ და გაიცანით ადამიანი, რომელიც თქვენთვის საჭირო მომსახურებებს შემოგთავაზებთ.
თანამასპინძლის საპოვნელად:
- მიუთითეთ თქვენ მიერ განთავსებული საცხოვრებლის მისამართი, რომ მოიძიოთ თავისუფალი კანდიდატები ახლომახლო. ძიების შედეგებში აისახება ადგილობრივი თანამასპინძლების პროფილები, რომლებიც დალაგებული იქნება მდებარეობის, ჩართულობის, ხარისხისა და სხვა ფაქტორების გათვალისწინებით.
- აირჩიეთ კონკრეტული პროფილი, რომ ვრცლად შეიტყოთ თანამასპინძლის შესახებ, გაეცნოთ მის გამოცდილებას, წინა მიმოხილვებს, შესაბამის განცხადებებსა და სხვა მონაცემებს.
- მისწერეთ ყველა შერჩეულ კანდიდატს. წარუდგინეთ თითოეულ მათგანს საკუთარი თავი და გააცანით თქვენი საჭიროებები.
- გირჩევთ, დასვათ დამატებითი შეკითხვები და განმარტოთ თქვენი მოლოდინი.
თანამასპინძლის დასაქირავებლად:
- გადაწყვიტეთ, ვის ირჩევთ თანამასპინძლად. სასურველია, თანამშრომლობის დეტალები ოფიციალურ შეთანხმებაში დააზუსტოთ.
- გადადით Airbnb‑ზე განთავსებულ თქვენს განცხადებაზე. მოიწვიეთ თქვენი ახალი პარტნიორი თანამასპინძლად და განუსაზღვრეთ ნებართვები თქვენს განცხადებასთან მიმართებით. მოწვეულს თანხმობის განსაცხადებლად ორი კვირა ექნება.
- აირჩიეთ თითოეული ჯავშნისთვის კუთვნილი ანაზღაურებიდან კონკრეტული წილის გაყოფა Airbnb‑ს მეშვეობით.*
თანამასპინძელთან სათანამშრომლოდ საჭირო ყველა ხელსაწყო აპშია. მაგალითად, შეგიძლიათ:
- თანამასპინძლისთვის პირდაპირ მიწერა;
- მასპინძლობის კუთხით სათანამშრომლოდ მოწვევა;
- მოწვეულის ნებართვების განსაზღვრა თქვენი განცხადების სამართავად;
- თანამასპინძლისთვის ანაზღაურების გაყოფა.*
*მოქმედებს გარკვეული შეზღუდვები მასპინძლის, თანამასპინძლისა და განთავსებული საცხოვრებლის მდებარეობის მიხედვით.
თანამასპინძელთა ქსელი ხელმისაწვდომია საფრანგეთში, ესპანეთში, იტალიაში, გერმანიაში, გაერთიანებულ სამეფოში, ავსტრალიაში, მექსიკაში (უზრუნველყოფს Airbnb Global Services Limited); კანადაში, აშშ‑ში (უზრუნველყოფს Airbnb Living LLC); ასევე, ბრაზილიაში (უზრუნველყოფს Airbnb Plataforma Digital Ltda).
თანამასპინძელთა ქსელში წარმოდგენილი მასპინძლები, როგორც წესი, გამოირჩევიან მაღალი შეფასებებით, გაუქმების დაბალი სიხშირითა და Airbnb‑ს მეშვეობით მასპინძლობის გამოცდილებით. შეფასებები ეფუძნება სტუმრებისგან მიღებულ მიმოხილვებს იმ საცხოვრებლებისთვის, რომელთა შემთხვევაშიც ისინი მასპინძლები ან თანამასპინძლები არიან. ამასთან, შეფასებები, შესაძლოა, არ ეხებოდეს იმ გამორჩეულ მომსახურებებს, რომლებსაც კონკრეტული თანამასპინძელი სხვებს სთავაზობს.
სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.