Airbnb-ს 2022 წლის ზამთრის განახლება: 10 ყველაზე მნიშვნელოვანი სიახლე

რედაქტორის შენიშვნა: სტატია გამოქვეყნდა Airbnb‑ს 2022 წლის ზამთრის განახლების ფარგლებში. ინფორმაცია, შესაძლოა, შეცვლილიყო მისი გამოქვეყნების შემდეგ. შეიტყვეთ ვრცლად ჩვენი პროდუქტის უახლესი ვერსიის შესახებ.

გასულ წელს მასპინძლებისგან მივიღეთ დიდი გამოხმაურება, რომლის გათვალისწინებითაც გარკვეული ცვლილებები შევიტანეთ, მასპინძლობის პროცესი უფრო მოსახერხებელი რომ გამხდარიყო.

1. დაცვის მეტი მექანიზმი AirCover‑ის სახით: ამიერიდან „AirCover მასპინძლებისთვის“ დაგიცავთ იმ შემთხვევაშიც, თუ საცხოვრებლის ტერიტორიაზე პარკირებულ ავტომობილებსა და გემებს დაგიზიანებენ. გაფართოებული დაფარვა ხელოვნების ნამუშევრებსა და ფასეულ ნივთებზეც ვრცელდება. იზრდება ზარალისგან დაცვის ოდენობაც (ის შეადგენს 3 მილიონ აშშ დოლარს 1 მილიონი აშშ დოლარის ნაცვლად).

2. სტუმრების ვინაობის დადასტურება: Airbnb‑ს მეშვეობით ჯავშნების გაფორმების მსურველთა ვინაობას ახლა 35 ძირითად ქვეყანასა და რეგიონში (ანუ ჯავშნების 90%‑ის შემთხვევაში) ვადასტურებთ. 2023 წლის დასაწყისში ეს პროცედურა მსოფლიო მასშტაბით ამოქმედდება.

3. ჯავშნების შემოწმება: ჩვენ შევქმენით ჯავშნების შემოწმების ტექნოლოგია, რომელიც დაახლოებით ასი ფაქტორის გათვალისწინებით ავლენს უნებართვო წვეულებების გამართვისა და მატერიალური ზარალის შესაძლო რისკებს. ავსტრალიაში წარმატებული ტესტირების შემდეგ, ჯავშნების შემოწმების ტექნოლოგიას ჯერ აშშ‑სა და კანადაში ავამოქმედებთ, 2023 წლის დასაწყისში კი — საერთაშორისო მასშტაბით.

4. ანაზღაურების მოთხოვნის გამარტივებული პროცედურა: ანაზღაურების მოთხოვნა სულ რამდენიმე მარტივი ნაბიჯის გავლით შეგიძლიათ.

ვრცლად პროგრამაში „AirCover მასპინძლებისთვის“ შეტანილი ცვლილებების შესახებ

5. მეტი ანგარიშვალდებულება სტუმრების მხრიდან: ჩვენ შევიმუშავეთ ძირითადი წესები, რომლებიც ავალდებულებს სტუმრებს, გაუფრთხილდნენ საცხოვრებელს და დაიცვან თქვენ მიერ დადგენილი სახლის წესები. ძირითადი წესების დაცვას სტუმრობის ყველა მსურველი უნდა დაეთანხმოს ჯავშნის გაფორმებამდე. წესების დარღვევის შემთხვევაში, სტუმარს, საჭიროების მიხედვით, საგანმანათლებლო რესურსებს მივაწვდით, ანგარიშის მოქმედებას შევუჩერებთ ან ჩვენი პლატფორმიდან გავრიცხავთ.

ვრცლად სტუმრებისთვის დადგენილი ძირითადი წესების შესახებ

6. სტუმრების დეტალურად მიმოხილვა: ყოფილი სტუმრების შესახებ ამიერიდან მეტი დეტალის გაზიარებას საშუალება გექნებათ, სხვა მასპინძლების მიერ დატოვებული მიმოხილვებიდან კი უკეთეს წარმოდგენას შეგიქმნით თქვენთან სტუმრობის მსურველებზე. ყოველივე ეს ხელს შეუწყობს სტუმრების მიერ ძირითადი წესების დაცვას.

7. შურისმაძიებლური მიმოხილვებისგან დაცვის მექანიზმი: ამიერიდან საშუალება გექნებათ, გაასაჩივროთ შურისმაძიებლური მიმოხილვები (მაგალითად, რომლებიც მიიღეთ მას შემდეგ, რაც სტუმრებმა უხეშად დაარღვიეს სახლის სტანდარტული წესები, საცხოვრებელში წვეულება გამართეს, მატერიალური ზიანი მოგაყენეს ან არ დატოვეს საცხოვრებელი დანიშნულ დროს).

ვრცლად მიმოხილვის გაუმჯობესებული სისტემის შესახებ

8. ანაზღაურების მიღების უფრო სწრაფი მეთოდი: ანაზღაურების მიღების ახალი მეთოდის, „სწრაფი ჩარიცხვის“, მეშვეობით, კუთვნილ თანხას Airbnb‑ს მიერ მისი გაცემიდან 30 წუთის განმავლობაში მიიღებთ, შაბათ‑კვირასა და დღესასწაულებზეც კი. „სწრაფი ჩარიცხვა“ წელს ხელმისაწვდომი იქნება აშშ‑ში, მისით სარგებლობის შემთხვევაში კი ყოველ ტრანსაქციაზე 1,5%‑იანი გადასახადი (მაქსიმუმ 15 აშშ დოლარი) დაგეკისრებათ.

9. კატეგორიებთან დაკავშირებული ხელსაწყოები: 2023 წლის დასაწყისიდან შეიტყობთ, რომელ კატეგორიაშია თქვენ მიერ განთავსებული საცხოვრებელი. კატეგორია სწორად რომ განისაზღვროს, უფრო დეტალურად შეძლებთ აღწეროთ თქვენ მიერ სტუმრებისთვის შეთავაზებული ვარიანტის თავისებურებები.

10. ახალი კატეგორიები: სტუმრობის მსურველებს მეტი საცხოვრებლის აღმოჩენაში რომ დავეხმაროთ, ახალ კატეგორიებს ვამატებთ. უახლესი Airbnb კატეგორიებია „ახალთახალი“, „პოპულარული“, „ჰანოკები“, „მაღლა და მაღლა“, „ადაპტირებული“, „გასართობით“ და „ცალკე ოთახები“.

ვრცლად Airbnb კატეგორიებთან დაკავშირებული სიახლეების შესახებ

იცნობთ ვინმეს, ვისაც მასპინძლობის დაწყება სურს? გააცანით მას „Airbnb სტარტერი“ — Airbnb‑ზე საცხოვრებლის განთავსების სრულიად ახალი, მარტივი მეთოდი, რომელიც მოიცავს უფასო ინდივიდუალურ დახმარებას სუპერმასპინძლისგან.

თუ ბოლო განახლებასთან დაკავშირებით რაიმე მოსაზრება გაქვთ, გამოგვეხმაურეთ.

Airbnb‑ს 2022 წლის ზამთრის განახლების გზამკვლევის გაცნობა

პროგრამის „AirCover მასპინძლებისთვის“ ფარგლებში მასპინძელთა ზარალისგან დაცვა, საცხოვრებლის შეთავაზებისას წარმოშობილი პასუხისმგებლობის დაზღვევა და შთაბეჭდილების შეთავაზებისას წარმოშობილი პასუხისმგებლობის დაზღვევა არ მოქმედებს Airbnb Travel LLC‑თი სარგებლობის შემთხვევაში, ასევე, არ ეხება იაპონიაში მოღვაწე მასპინძლებს (მათზე ვრცელდება იაპონიაში მასპინძელთა დაზღვევა და იაპონიაში შთაბეჭდილებების დაზღვევა). მასპინძლებისთვის, რომლებიც სტუმრებს კონტინენტურ ჩინეთში სთავაზობდნენ საცხოვრებლებსა თუ შთაბეჭდილებებს, მოქმედებს ჩინეთში მასპინძლების დაცვის გეგმა. გაითვალისწინეთ, რომ დაფარვის ყველა ლიმიტი მითითებულია აშშ დოლარში.

მასპინძელთა ზარალისგან დაცვა არ არის დაზღვევა და არც კავშირშია საცხოვრებლის შეთავაზებისას წარმოშობილი პასუხისმგებლობის დაზღვევასთან. ვაშინგტონის შტატში განთავსებული განცხადებების შემთხვევაში, მასპინძელთა ზარალისგან დაცვის პროგრამის ფარგლებში Airbnb‑ს სახელშეკრულებო ვალდებულებებს ფარავს Airbnb‑ს მიერ შეძენილი სადაზღვევო პოლისი. მასპინძელთა ზარალისგან დაცვის ფარგლებში თქვენ აგინაზღაურდებათ სტუმრების მიერ საცხოვრებლისთვის ან მასში არსებული ნივთებისთვის მიყენებული ზიანი, თუ სტუმარი უარს იტყვის ზარალის ანაზღაურებაზე.

მასპინძლებისთვის, რომლებიც ცხოვრობენ ან ახორციელებენ საქმიანობას ავსტრალიის ფარგლებს გარეთ, მასპინძელთა ზარალისგან დაცვა ექვემდებარება ამ წესებს, შეზღუდვებსა და გამონაკლისებს. მასპინძლებისთვის, რომლებიც ცხოვრობენ ან ახორციელებენ საქმიანობას ავსტრალიის ტერიტორიაზე, მასპინძელთა ზარალისგან დაცვა ექვემდებარება ამ წესებს, შეზღუდვებსა და გამონაკლისებს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.