Airbnb კატეგორიების მოქმედების პრინციპი

რედაქტორის შენიშვნა: სტატია გამოქვეყნდა Airbnb‑ს 2022 წლის ზამთრის განახლების ფარგლებში. ინფორმაცია, შესაძლოა, შეცვლილიყო მისი გამოქვეყნების შემდეგ. შეიტყვეთ ვრცლად ჩვენი პროდუქტის უახლესი ვერსიის შესახებ.

საცხოვრებლების შერჩევა მოგზაურობის ერთ‑ერთი ყველაზე სასიამოვნო ნაწილია, ჩვენ კი გვსურს, რომ თქვენს განცხადებას ადვილად პოულობდნენ ისინი, ვისაც თქვენ მიერ განთავსებული საცხოვრებლის მსგავსი ვარიანტები აინტერესებთ. მნიშვნელობა არ აქვს, რას სთავაზობთ სტუმრებს — ბანაკის ადგილს, ბინას თუ ციხესიმაგრეს — Airbnb კატეგორიები დაგეხმარებათ მისი განსაკუთრებულობის წარმოჩენასა და სტუმრობის შესაბამისი მსურველების დაინტერესებაში.

2022 წლის მაისში ჩვენ წარმოგიდგინეთ Airbnb კატეგორიები — მსოფლიოს სხვადასხვა კუთხეში მდებარე მილიონობით უნიკალური საცხოვრებლის აღმოჩენის ახალი ხერხი სტუმრობის მსურველთათვის. 60‑ზე მეტი კატეგორია თავს უყრის საცხოვრებლებს, რომლებიც შერჩეულია სტილის, მდებარეობისა და მოგზაურობის კუთხით საინტერესო აქტივობებთან სიახლოვის მიხედვით.

საცხოვრებლის მაძიებელი სტუმრებისთვის შეთავაზებული იქნება სხვადასხვა კატეგორია, მაგალითად, „ხის სახლები“, „ტბისპირა“ და „ეროვნულ პარკთან“. ამას გარდა, საცხოვრებლის პოვნა შესაძლებელია დანიშნულების ადგილის მიხედვით, რა შემთხვევაშიც შედეგები მოცემული იქნება „ყველა საცხოვრებლის“ სექციაში.

„ყველა საცხოვრებლის“ სექციაში შეიძლება მოხვდეს Airbnb‑ზე განთავსებული ნებისმიერი საცხოვრებელი, თუ ის შეესაბამება სტუმრობის მსურველის საძიებო მოთხოვნებს დანიშნულების ამა თუ იმ ადგილას. ამას გარდა, კონკრეტული კრიტერიუმების დაკმაყოფილების შემთხვევაში, ის, შესაძლოა, აისახოს ერთ‑ერთი ან რამდენიმე Airbnb კატეგორიის გვერდზე.

თითოეულ კატეგორიაში წარმოდგენილი საცხოვრებლები შერჩევას გადის. Airbnb‑ზე განთავსებულ მილიონობით საცხოვრებელს აფასებს სპეციალური ალგორითმი, რომელიც აანალიზებს სათაურებს, აღწერილობებს, ფოტოებისთვის დართულ წარწერებსა და სტუმრების მიერ დატოვებულ მიმოხილვებს.

საცხოვრებლისთვის მიკუთვნებული კატეგორიის შემოწმება მასპინძლობისთვის გამოყენებული ანგარიშიდან შეგიძლიათ. გადადით ცნობებზე საცხოვრებლის შესახებ, შემდეგ კი — ქვემოთ, „კატეგორიების“ სექციაზე. იქ მითითებული იქნება Airbnb კატეგორიის სახელი (შესაძლოა, საცხოვრებელს მიკუთვნებული ჰქონდეს ერთზე მეტი კატეგორია). კატეგორიის აღწერილობის გასაცნობად აირჩიეთ ის შეხებით ან დაწკაპუნებით.

ვინაიდან კატეგორიების სიასა და ჩვენს მომსახურებაში მუდმივად შეგვაქვს გარკვეული ცვლილებები, მნიშვნელოვანია, საცხოვრებლის შესახებ ინფორმაციას რეგულარულად აახლებდეთ. შეამოწმეთ, რომელი საყოფაცხოვრებო პირობები გაქვთ მითითებული განცხადებაში და დარწმუნდით, რომ არჩეული გაქვთ ყველაფერი, რაც სტუმრებს საცხოვრებელში დახვდებათ.