ფასების დაწესების სახეცვლილი ხელსაწყოები თქვენს კალენდარში Airbnb‑ზე

რედაქტორის შენიშვნა: სტატია გამოქვეყნდა Airbnb‑ს 2023 წლის ზაფხულის განახლების ფარგლებში. ინფორმაცია, შესაძლოა, შეცვლილიყო მისი გამოქვეყნების შემდეგ. შეიტყვეთ ვრცლად ჩვენი პროდუქტის უახლესი ვერსიის შესახებ.

მასპინძლებისგან მიღებული გამოხმაურების საფუძველზე გადავწყვიტეთ, ფასების დაწესების ყველა ხელსაწყოსთვის ერთად მოგვეყარა თავი კალენდარში. მათი მეშვეობით ერთი სივრციდან შეძლებთ ფასების ჩასწორებას, დასაჯავშნად ხელმისაწვდომობის შეცვლას, ასევე, მოქმედი ფასდაკლებებისა თუ პრომოაქციების შემოწმებას.

ფასების დაწესების ნებისმიერი ხელსაწყოს გამოყენებისას შეიტყობთ, რამდენის გადახდა მოუწევს სტუმარს და თქვენ რამდენი გერგებათ. ამასთან, ფასდაკლებების დაწესებაც გამარტივდა. საკმარისია, გადააადგილოთ სლაიდერი, რის შემდეგაც ერთი კვირის ან თვის ფასი ფასდაკლების გათვალისწინებით შეიცვლება.

ფასი მხოლოდ თქვენი გადასაწყვეტია, თუმცა იმის ცოდნაც სასარგებლოა, თუ რა ფასი იქნება მითითებული სტუმრობის მსურველთა ძიების შედეგებში, რადგან თქვენ მიერ დაწესებული ფასი არ არის საბოლოო თანხა, რომლის გადახდაც მოუწევთ სტუმრებს.

სტუმრის მიერ ჯამში გადასახდელი თანხა მოიცავს პლატფორმის გადასახადებს ოფიციალური მოსაკრებლების დამატებამდე (გამონაკლისია რეგიონები, სადაც კანონი ოფიციალური მოსაკრებლების ასახვასაც გვავალდებულებს ფასში). ჯამური ფასის გარკვევა, შესაძლოა, დაგეხმაროთ სტუმრებისთვის ხელსაყრელი ფასის დაწესებასა და შემოსავლის კუთხით თქვენი მიზნების მიღწევაში.

ფასების დეტალიზაციის განახლებული ხელსაწყო უახლოეს კვირებში გახდება ხელმისაწვდომი. იმისთვის, რომ გაარკვიოთ, ჯამში რამდენის გადახდა მოუწევს სტუმარს ამა თუ იმ თარიღებში, საკმარისი იქნება, არჩიოთ შესაბამისი ღამეები კალენდარში. ფასის დეტალიზაციაში მითითებული იქნება ერთი ღამის ფასი, პლატფორმის გადასახადები, ფასდაკლებები ან პრომოაქციები (ასეთის არსებობის შემთხვევაში), ასევე, ოფიციალური მოსაკრებლები და თქვენი შემოსავლის ოდენობა.

კალენდრიდან აირჩიეთ დასაჯავშნად ხელმისაწვდომი ნებისმიერი თარიღი ან თარიღთა დიაპაზონი. ერთი ღამის ფასის ქვემოთ მოცემული იქნება ღილაკი ჯამური ფასით, რომლის გადახდაც მოუწევს სტუმარს, შესაბამისი ჯავშანი რომ გააფორმოს. აღნიშნულ ღილაკზე შეხების ან დაწკაპუნების შემთხვევაში გაეცნობით ფასისა და შემოსავლის დეტალიზაციას.

ერთი ან რამდენიმე კვირითა თუ თვით სტუმრობებზე გარკვეული ფასდაკლებების დაწესება, შესაძლოა, დაგეხმაროთ მეტი შემოსავლის მიღებაში ნაკლები ძალისხმევით. თქვენგან მიღებული გამოხმაურებიდან შევიტყვეთ, რომ გიჭირდათ იმის გარკვევა, თუ როგორ აისახებოდა ფასდაკლებები ფასსა და თქვენს შემოსავალზე.

ფასდაკლების დაწესებისას ჩვენ გირჩევთ მის ოდენობას (ის დაფუძნებული იქნება როგორც კონკრეტულად თქვენ მიერ განთავსებული საცხოვრებლის მახასიათებლებზე, ისე მის მსგავს ვარიანტებზე არსებულ მოთხოვნაზე თქვენს რეგიონში). ოდენობის შეცვლას სლაიდერის მეშვეობით შეძლებთ. ამ მოქმედებით მყისიერად შეიცვლება ერთი კვირის ან თვის საშუალო ფასი და ის, თუ რა თანხა გერგებათ ფასდაკლების გათვალისწინებით.

სლაიდერით რომ ისარგებლოთ, „ფასების“ ჩანართიდან გადადით „ფასდაკლებების“ სექციაზე, შემდეგ კი აირჩიეთ „ერთ კვირაზე“ ან „ერთ თვეზე“. ფასდაკლების მითითება პროცენტის ნიშანთან შესაბამისი რიცხვის აკრეფითაც შეგიძლიათ.

აღნიშნული ხელსაწყოების შესახებ დამატებითი ინფორმაციის მიღება შეგიძლიათ ფასებთან დაკავშირებული სასწავლო სერიიდან. მოითხოვეთ ადრეული წვდომა, რომ დღესვე დაიწყოთ სარგებლობა ამ და სხვა ახალი ხელსაწყოებით, რომლებიც შემოთავაზებულია Airbnb‑ს 2023 წლის ზაფხულის განახლების ფარგლებში, რომელიც, თავის მხრივ, მასპინძელთათვის 25 სიახლეს მოიცავს.