თანამასპინძელთა ახალი ნებართვები და გამარტივებული ანაზღაურება

რედაქტორის შენიშვნა: სტატია გამოქვეყნდა Airbnb‑ს 2023 წლის ზაფხულის განახლების ფარგლებში. ინფორმაცია, შესაძლოა, შეცვლილიყო მისი გამოქვეყნების შემდეგ. შეიტყვეთ ვრცლად ჩვენი პროდუქტის უახლესი ვერსიის შესახებ.

თანამასპინძლის ყოლას მასპინძლობის პროცესის საგრძნობლად შემსუბუქება შეუძლია. ამ როლის შეთავაზება შეგიძლიათ მეზობლისთვის, ოჯახის წევრისთვის, მეზობლისთვის ან დაქირავებული სპეციალისტისთვის. თანამასპინძლებს შეუძლიათ თქვენი დახმარება კალენდრის მართვის, განცხადების ჩასწორების ან სტუმრებთან მიმოწერის კუთხით.

მასპინძლებისგან შევიტყვეთ, რომ გსურდათ, პირდაპირ Airbnb‑დან შეგძლებოდათ თანამასპინძლების ნებართვებისა და მათი კუთვნილი ანაზღაურების განსაზღვრა. სწორედ ამიტომ, ამ კუთხით რამდენიმე ცვლილება შევიტანეთ.

გახსენით „განცხადებების“ ჩანართი და აირჩიეთ განცხადება. გადადით „თანამასპინძლების“ სექციაზე, რომ გაეცნოთ ინფორმაციას თქვენი თანამასპინძლების შესახებ, დაუწესოთ მათ ნებართვები და განსაზღვროთ მათი ანაზღაურება.

ამას გარდა, სხვა თანამასპინძლების მოწვევაც შეგიძლიათ. მოწვევაზე თანხმობის განსაცხადებლად მათ Airbnb‑ზე ანგარიში დასჭირდებათ.

თანამასპინძლის მოწვევისას უნდა მიუთითოთ, რომელ ფუნქციებზე ექნება მას წვდომა. ამ კუთხით სამი არჩევანი გექნებათ:

• სრული წვდომა — თანამასპინძელი შეძლებს კალენდრისა და განცხადების მართვას, სხვა თანამასპინძლების ნებართვების განსაზღვრას/გაუქმებას, სტუმრებთან მიმოწერასა და ანაზღაურების/ტრანსაქციების ისტორიის გაცნობას, ასევე, ზიანის ანაზღაურების მოთხოვნების თქვენი სახელით გადაგზავნას/მართვას საკითხების გადაწყვეტის ცენტრის მეშვეობით და მასპინძელთა ზარალისგან დაცვის ფარგლებში*

• კალენდარსა და მიმოწერაზე წვდომა — თანამასპინძელი შეძლებს კალენდრის ნახვასა და სტუმრებთან მიმოწერას

• კალენდარზე წვდომა — თანამასპინძელი შეძლებს კალენდრისა და სტუმრობათა დაწყების/დასრულების შესახებ ინფორმაციის გაცნობას

თქვენი ყველა თანამასპინძელი მითითებული იქნება განცხადების გვერდის „თანამასპინძლების“ სექციაში. აღნიშნული არ ვრცელდება თანამასპინძლებზე, რომლებსაც მხოლოდ კალენდარზე აქვთ წვდომა. თანამასპინძლებს, რომლებსაც სრული წვდომა აქვთ, შეუძლიათ თავიანთი თავის დანიშვნა ძირითად მასპინძლად, ან ეს სტატუსი თავად შეგიძლიათ მიანიჭოთ მათ. ამასთან, მათი ნებართვების შეცვლას ნებისმიერ დროს შეძლებთ.

სურვილისამებრ, შეგიძლიათ მიღებული შემოსავლის წილის გაყოფა ერთ ან რამდენიმე თანამასპინძელთან. როგორც კი ანაზღაურების პარამეტრებს დააყენებთ, ხოლო თანამასპინძელი მათ დაეთანხმება, ის დაიწყებს შესაბამისი თანხის მიღებას ყოველი ახალი სტუმრის დაბინავების შემდეგ. ზოგან მოქმედებს გარკვეული შეზღუდვები ანაზღაურების გაყოფასთან დაკავშირებით. დეტალურად.

თანამასპინძლობის ხელსაწყოები შემოთავაზებულია Airbnb‑ს 2023 წლის ზაფხულის განახლების ფარგლებში, რომელიც მასპინძელთათვის 25 სიახლეს მოიცავს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.

*იაპონიაში შეთავაზებული საცხოვრებლების შემთხვევაში თანამასპინძლებს არ შეუძლიათ დაზიანებულ ან დაკარგულ ნივთებთან დაკავშირებული ანაზღაურების მოთხოვნების ინიციირება, მართვა ან მოგვარება მასპინძლების სახელით, არც საკითხების გადაწყვეტის ცენტრის მეშვეობით და არც მასპინძელთა ზარალისგან დაცვის ფარგლებში.

მასპინძელთა ზარალისგან დაცვა არ არის სადაზღვევო პოლისი. ის არ ეხება მასპინძლებს, რომლებსაც იაპონიაში აქვთ განთავსებული საცხოვრებელი (მათზე ვრცელდება იაპონიაში მასპინძელთა დაზღვევა). მასპინძლებისთვის, რომლებიც სტუმრებს კონტინენტურ ჩინეთში სთავაზობდნენ საცხოვრებლებს, მოქმედებს ჩინეთში მასპინძლების დაცვის გეგმა. დაფარვის ყველა ლიმიტი მითითებულია აშშ დოლარში.

ვაშინგტონის შტატში განთავსებული განცხადებების შემთხვევაში, მასპინძელთა ზარალისგან დაცვის პროგრამის ფარგლებში Airbnb‑ს სახელშეკრულებო ვალდებულებებს ფარავს Airbnb‑ს მიერ შეძენილი სადაზღვევო პოლისი.

მასპინძელთა ზარალისგან დაცვის პროგრამა ექვემდებარება გარკვეულ წესებს, პირობებსა და შეზღუდვებს, ხოლო მასპინძლებისთვის, რომელთა საცხოვრებელი ან იურიდიულ პირად რეგისტრაციის ქვეყანა არის ავსტრალია, მასპინძელთა ზარალისგან დაცვის პროგრამა ექვემდებარება აქ განმარტებულ წესებს, შეზღუდვებსა და გამონაკლისებს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.