ზაფხულის განახლება
25 სიახლე მასპინძელთათვის: გასვლის წესები, კალენდარი და სხვა
თქვენგან მიღებული გამოხმაურების საფუძველზე მასპინძლობისთვის სხვადასხვა ახალი ფუნქცია მოგიმზადეთ. მოითხოვეთ ადრეული წვდომა და დღესვე დაიწყეთ მათი გამოყენება.
ფასების დაწესების სახეცვლილი ხელსაწყოები
ფასების დაწესების ყველა ხელსაწყომ ამიერიდან კალენდარში გადაინაცვლა, რომ მარტივად დააწესოთ და ჩაასწოროთ ფასები ერთი სივრციდან. ფასის განახლებული დეტალიზაციიდან კი შეიტყობთ, რამდენის გადახდა მოუწევთ სტუმრებს და თქვენ რამდენი გერგებათ.
მსგავსი საცხოვრებლების შედარება
პირველად! ამიერიდან საშუალება გაქვთ, შეადაროთ თქვენ მიერ დაწესებული ფასი ახლომახლო დაჯავშნილი საცხოვრებლების საშუალო ფასს, რაც კონკურენტუნარიანობის შენარჩუნებაში დაგეხმარებათ.
თითის გასმით არჩევა და მთელი წლის ხედი
კალენდრის მობილურ ვერსიაში ამიერიდან შეგიძლიათ თითის გასმით აირჩიოთ თარიღთა დიაპაზონი (თითოეულ თარიღზე ცალ‑ცალკე შეხება აღარ მოგიწევთ). მალე კი ხელმისაწვდომი გახდება მთელი წლის ხედი, რომლის მეშვეობითაც 12 თვის ინფორმაციას გაეცნობით.
საცხოვრებლიდან გასვლის ჩაშენებული ინსტრუქცია
სწრაფად დაამატეთ განცხადებას სტანდარტული და ინდივიდუალური მითითებები საცხოვრებლიდან გასვლასთან დაკავშირებით — სტუმრებს მათ წინასწარ შევახსენებთ. ამასთან, სტუმრები შეძლებენ, ღილაკზე ერთი შეხებით შეგატყობინონ, რომ წავიდნენ.
შეტყობინებათა წაკითხვის დადასტურება
თქვენც და სტუმრებიც ამიერიდან შეიტყობთ, გაეცნო თუ არა მეორე მხარე ამა თუ იმ შეტყობინებას. ამასთან, საცხოვრებლიდან გასვლის ინსტრუქციის გაზიარებას უფრო სწრაფად, მზა პასუხის სახით შეძლებთ.
თანამასპინძელთა ნებართვები და ანაზღაურება
თანამასპინძლების მოწვევა საგრძნობლად გამარტივდა, მათთვის ნებართვების მინიჭება კი ღილაკზე ერთი შეხებით შეგიძლიათ — აირჩიეთ სრული წვდომა, კალენდარსა და შემომავალ შეტყობინებებზე წვდომა ან მხოლოდ კალენდარზე წვდომა. ამას გარდა, საშუალება გაქვთ, გადაწყვიტოთ, რა სახით გაუყოფთ მათ შემოსავალს.
მასპინძლებისთვის განკუთვნილი ყველა ახალი ფუნქციის მოკლე მიმოხილვა
Airbnb ოთახები (მასპინძლების გაცნობითი ბარათებით)
ცალკე ოთახები ამიერიდან წარმოდგენილი იქნება ახლებურად, მასპინძლების გაცნობითი ბარათებით, რომ სტუმრობის მსურველებმა მარტივად იპოვონ თქვენი განცხადება და წინასწარ გაგიცნონ.
