მასპინძლობისთვის ანაზღაურების მიღების წესი

ანაზღაურების მიღების პარამეტრების დაყენება Airbnb‑ზე რამდენიმე მარტივი ნაბიჯის გავლით შეგიძლიათ.

მასპინძლობისთვის კუთვნილი თანხის მიღების მეთოდს თავად ირჩევთ. ვარიანტების ხელმისაწვდომობა დამოკიდებულია თქვენს საცხოვრებელ ქვეყანაზე. ანაზღაურების მიღების მეთოდებში შედის:

• საბანკო ანგარიში
• სწრაფი ჩარიცხვა
• საერთაშორისო საბანკო გადარიცხვა
• წინასწარი გადახდის სადებეტო ბარათი Payoneer MasterCard
• PayPal
• Western Union

ანაზღაურების მიღების მეთოდების დასაყენებლად დაამატეთ ანაზღაურების მიღების მეთოდი მასპინძლობისთვის გამოყენებული ანგარიშის პარამეტრების სექციაში „გადახდა და ანაზღაურება“. თქვენ მიერ არჩეული მეთოდი გამოყენებული იქნება მომავალში მისაღები ყველა ანაზღაურებისთვის, სანამ მას არ შეცვლით.

სათანადო საგადასახადო დოკუმენტაცია რომ მოგიმზადოთ, შესაძლოა, მოგეთხოვოთ გადასახადის გადამხდელის ინფორმაციის მოწოდება. ზუსტად არ იცით, გეხებათ თუ არა აღნიშნული? შეიტყვეთ ვრცლად საგადასახადო ფორმების შესახებ.

სანამ ანაზღაურების მიღების მეთოდის დადასტურება მიმდინარეობს, მისი სტატუსი იქნება „მომლოდინე“. დადასტურებას, შესაძლოა, 10 დღემდე დასჭირდეს. აღნიშნული არ ეხება „სწრაფ ჩარიცხვას“ — ეს მეთოდი მომენტალურად დასტურდება.

აირჩიეთ ნებისმიერი ჯავშანი კალენდარში, რომ გაეცნოთ შესაბამისი სტუმრობისთვის გადახდილ თანხასა და თქვენს შემოსავალს. ქვემოთ დაგხვდებათ დეტალიზებული სიები, რომლებშიც შედის:

• ფასი სტუმრობის ერთ ღამეზე
• დასუფთავების, შინაური ცხოველების ან დამატებითი სტუმრების არასავალდებულო გადასახადები (ასეთის არსებობის შემთხვევაში)
• ბინადრობის გადასახადები
• სტუმართა და მასპინძელთა მომსახურების გადასახადები
• თანამასპინძლის კუთვნილი ანაზღაურება (თუ დაყენებული გაქვთ)
• თქვენი ჯამური ანაზღაურება

მასპინძლებისთვის დაკისრებული მომსახურების გადასახადი, უმეტეს შემთხვევაში, 3%‑ია. ეს გადასახადი Airbnb‑ს ხელს უწყობს, რომ უზრუნველყოს პროდუქტები და მომსახურება, რომლებიც გეხმარებათ მასპინძლობაში (მაგალითად, მომხმარებელთა სადღეღამისო მხარდაჭერა). ვრცლად მომსახურების გადასახადების შესახებ

თუ თქვენი ანაზღაურება მოსალოდნელზე ნაკლებია, ამის მიზეზი შეიძლება იყოს თქვენ მიერ დაწესებული ფასდაკლებები ან ჯავშნის გაუქმება/შეცვლა. ანაზღაურების მიღების ზოგიერთი მეთოდით სარგებლობისთვის, შესაძლოა, გარკვეული ოდენობის საკომისიოს გადახდაც იყოს საჭირო, თუმცა მათი უმეტესობის გამოყენება დამატებით გადასახადს არ ითვალისწინებს.

მასპინძლობისთვის კუთვნილი ანაზღაურება გაიცემა სტუმრის დაბინავების დაგეგმილი დროიდან დაახლოებით 24 საათში. თქვენს ანგარიშზე თანხის ასახვის ზუსტი დრო დამოკიდებულია ანაზღაურების მიღების მეთოდზე.

ქვემოთ გთავაზობთ ინფორმაციას ანაზღაურების მიღების რამდენიმე ხელმისაწვდომი მეთოდისა და ტრანსაქციების დამუშავების სტანდარტული ვადების შესახებ:

• სწრაფი ჩარიცხვა: მაქსიმუმ 30 წუთი
• Payoneer: მაქსიმუმ 24 საათი
• PayPal: 1 სამუშაო დღე
• Western Union: 1 სამუშაო დღე (შესაძლოა, განსხვავდებოდეს ქვეყნის/რეგიონის მიხედვით)
• საბანკო გადარიცხვა: 3–5 სამუშაო დღე
• საერთაშორისო საბანკო გადარიცხვა: 3–7 სამუშაო დღე

28 ან მეტი ღამის ხანგრძლივობის ჯავშნების შემთხვევაში, Airbnb ანაზღაურებას ყოველთვიურად გასცემს. პირველი ანაზღაურება გაიცემა სტუმრის დაბინავების დროიდან დაახლოებით 24 საათში. ანაზღაურების სტატუსის შემოწმება ნებისმიერ დროს შეგიძლიათ შემოსავლის მართვის პანელში. ვრცლად ანაზღაურების მიღების შესახებ