რა ოდენობის გადასახადს აკისრებს Airbnb მასპინძლებს?

მასპინძელთა უმეტესობისთვის მომსახურების გადასახადი შეადგენს 3%‑ს თითოეული ჯავშნიდან.

მისი გამოთვლისას გათვალისწინებულია:

• ჯავშანში შემავალი ღამეების რაოდენობა და თქვენ მიერ ერთ ღამეზე დაწესებული ფასი;
• თქვენ მიერ დაწესებული დამატებითი გადასახადები (მაგალითად, დასუფთავებისთვის ან შინაური ცხოველებისთვის).

მომსახურების გადასახადი ავტომატურად გამოიქვითება თქვენი კუთვნილი თითოეული ანაზღაურებიდან. სურვილისამებრ, შეგიძლიათ გადასახადის როგორც სტუმრებთან გაყოფა, ისე მისი მთლიანად გადახდა.

გადასახადის ეს სტრუქტურა ყველაზე გავრცელებულია. იმ მასპინძელთა უმეტესობა, რომელთაც მხოლოდ ერთი განცხადება აქვთ, იხდის მომსახურების გადასახადის 3%‑იან წილს.*

სტუმართა უმეტესობას ჯავშნის შუალედური ღირებულების 14,2%‑ზე ნაკლების გადახდა უწევს, თუმცა აღნიშნული წილი, სხვადასხვა ფაქტორის გამო, შესაძლოა, უფრო მაღალი გამოვიდეს. მაგალითად, თუ სტუმარი ანგარიშსწორებისთვის იყენებს ვალუტას, რომელიც განსხვავდება მასპინძლის მიერ ამა თუ იმ განცხადებისთვის განსაზღვრულისგან, მას, შესაძლოა, მეტის გადახდა მოუწიოს.

ეს სტრუქტურა ნაკლებად გავრცელებულია. მასპინძელი მთლიანად იხდის მომსახურების გადასახადს, როგორც წესი, ჯავშნის შუალედური ღირებულების 14‑დან 16%‑მდე.**

გადასახადის მხოლოდ მასპინძლის მიერ გადახდა სავალდებულოა ტრადიციული საცხოვრებელი ობიექტების, მაგალითად, სასტუმროებისა და აპარტამენტების, შემთხვევაში. ამას გარდა, მომსახურების გადასახადის მხოლოდ მასპინძლის მიერ გადახდა ხდება, როცა Airbnb‑სთან დასაკავშირებლად იყენებთ ობიექტების მართვის პროგრამულ უზრუნველყოფას (გამონაკლისია შემთხვევები, როცა სტუმრებისთვის შეთავაზებული საცხოვრებლების უმეტესობა მდებარეობს აშშ‑ში, კანადაში, მექსიკაში, ბაჰამის კუნძულებზე, არგენტინაში, ურუგვაიში ან ტაივანში).

ამასთან, საკუთარი ინიციატივითაც შეგიძლიათ აირჩიოთ მხოლოდ მასპინძლისთვის დაკისრებული მომსახურების გადასახადის სტრუქტურა, თუ აღნიშნული წაადგება თქვენს საფასო პოლიტიკას, რადგან მის შემთხვევაში მარტივდება ფასის დეტალიზაცია სტუმრებისთვის.

*ზოგიერთს მეტის გადახდა უწევს (მაგალითად, კონკრეტულ მასპინძლებს, რომელთაც იტალიაში მდებარე საცხოვრებლები აქვთ განთავსებული).

**მასპინძლებისთვის, რომელთაც გაუქმების უმკაცრესი წესები აქვთ დადგენილი, მომსახურების გადასახადი ზოგჯერ უფრო მაღალია, ხოლო 28 ან მეტი ღამის ხანგრძლივობის ჯავშნებისთვის — უფრო დაბალი.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.