ბოლო ცვლილებები სუპერმასპინძლების შეფასებებში

COVID‑19‑ის პანდემია უარყოფითად აისახა როგორც მოგზაურობის სფეროზე, ისე მსოფლიოს სხვადასხვა კუთხეში მცხოვრებ მასპინძლებზე. სწორედ ამიტომ, ასეთ არაიოლ დროს, სუპერმასპინძელთა შეფასების კრიტერიუმებში დროებითი ცვლილებები შევიტანეთ.

2020 წლის აპრილიდან სუპერმასპინძლებს თავიანთი სტატუსის შენარჩუნება შეეძლოთ 4‑ვე სტანდარტული კრიტერიუმის დაკმაყოფილების გარეშე. ახლა, როცა მოგზაურობა აღდგენის პროცესშია, შეფასების თავდაპირველ პროცედურას ვაბრუნებთ.

2022 წლის 1 აპრილის და მომდევნო შეფასებებისთვის, სუპერმასპინძლის სტატუსის მოსაპოვებლად, მასპინძლებს მოუწევთ 4‑ვე კრიტერიუმის დაკმაყოფილება.

ესენია:

• მინიმუმ 4,8‑ვარსკვლავიანი საერთო შეფასება
• გამოხმაურების მინიმუმ 90%‑იანი სიხშირე
• 10 სტუმრობა (ან 100 ღამე მინიმუმ 3 სტუმრობის ფარგლებში) გასული წლის განმავლობაში
• გაუქმების 1%‑ზე ნაკლები სიხშირე

სუპერმასპინძლის სტატუსის მოპოვების შემთხვევაში თქვენ მიიღებთ სპეციალურ ნიშანს, რომელიც მოცემული იქნება თქვენი პროფილისა და განცხადების გვერდებზე. სუპერმასპინძლები ვლინდებიან წელიწადში 4‑ჯერ: იანვარში, აპრილში, ივლისსა და ოქტომბერში. ყოველი შეფასების დროს ჩვენ ვითვალისწინებთ თქვენს მაჩვენებლებს გასული 365 დღის განმავლობაში.

სუპერმასპინძლებისთვის სტატუსის გახანგრძლივება 2020 წლის აპრილში, COVID‑19‑ის პირობებში სუპერმასპინძელთა პირველი შეფასების დროს დავიწყეთ, თუმცა მოგზაურობა უკვე აღდგენის პროცესშია, ამიტომ 2022 წლის 1 აპრილის შეფასებისთვის, სუპერმასპინძლის სტატუსის მოსაპოვებლად, მასპინძლებს მოუწევთ ყველა კრიტერიუმის დაკმაყოფილება.

სუპერმასპინძლობის 4 კრიტერიუმია:

• მინიმუმ 4,8‑ვარსკვლავიანი საერთო შეფასება
• გამოხმაურების მინიმუმ 90%‑იანი სიხშირე
• 10 სტუმრობა ან, გრძელვადიანი ჯავშნების შემთხვევაში, 100 ღამე (მინიმუმ სამი სტუმრობის ფარგლებში) გასული წლის განმავლობაში
• გაუქმების მაქსიმუმ 1%‑იანი სიხშირე

აპრილის შეფასებისას გათვალისწინებული იქნება ბოლო 365 დღის მაჩვენებლები, ამიტომ ახლა უკვე დროა, საჭიროებისამებრ იმოქმედოთ, აპრილში სუპერმასპინძლის სტატუსის მისაღებად მზად რომ იყოთ.

ვინაიდან სუპერმასპინძლებს გასული წლის განმავლობაში გაწეული მასპინძლობის მიხედვით ვაფასებთ, თუ, სიტყვაზე, ახლა ჯავშნების COVID‑19‑ისგან განსხვავებული მიზეზებით გაუქმების მაღალი სიხშირე გაქვთ, ეს, შესაძლოა, მომავალში აისახოს თქვენს სუპერმასპინძლის სტატუსზე. სტატუსის გაკონტროლება შეგიძლიათ აქ.

გაითვალისწინოთ, რომ სუპერმასპინძლის მიერ 4 კრიტერიუმიდან (მათ შორის, სტუმრობების რაოდენობის და ჯავშნების გაუქმების სიხშირის) რომელიმეს დაუკმაყოფილებლობის შემთხვევაში შესაბამისი კვარტალი არ ჩაითვლება იმ 4 კვარტალში, რომელთა განმავლობაშიც მან ზედიზედ უნდა შეინარჩუნოს სტატუსი, Airbnb საცხოვრებლების ან შთაბეჭდილებების დასაჯავშნად 100$‑იანი ვაუჩერი რომ მოიპოვოს. სუპერმასპინძლებს, რომლებიც 4‑ვე სტანდარტულ კრიტერიუმს დააკმაყოფილებენ, აღნიშნული კვარტლები, ჩვეულებრივ, ჩაეთვლებათ.

გთხოვთ, ასევე, გაითვალისწინოთ: მართალია, სუპერმასპინძლებს, რომლებმაც 4 კრიტერიუმიდან 2 დააკმაყოფილეს, სტატუსი გაუხანგრძლივდათ, 100$‑იანი Airbnb ვაუჩერის მოსაპოვებლად სუპერმასპინძლებმა მაინც 4‑ვე კრიტერიუმი უნდა დააკმაყოფილონ ზედიზედ 4 კვარტლის განმავლობაში. მაგალითად, თუ სუპერმასპინძლის სტატუსი 2022 წლის იანვარში გაგიხანგრძლივდათ, მაგრამ 2022 წლის აპრილამდე 4‑ვე კრიტერიუმი არ დაგიკმაყოფილებიათ, ვაუჩერს მოიპოვებთ 2023 წლის აპრილში, თუ, რა თქმა უნდა, სტატუსს შეინარჩუნებთ 2022 წლის ივლისის, 2022 წლის ოქტომბრისა და 2023 წლის იანვრის შეფასებების დროს.