დაგეგმილი შეტყობინებების გამოყენება დროის დაზოგვის მიზნით

დაგეგმილი შეტყობინებების ხელსაწყოს მეშვეობით ავტომატურად გაუზიარებთ სტუმრებს მნიშვნელოვან ინფორმაციას კონკრეტულ დროს, მაგალითად, დაბინავების დღეს. ხელსაწყო საშუალებას გაძლევთ, ჯერ სტანდარტული შეტყობინებები მოამზადოთ, შემდეგ კი დაგეგმოთ მათი გაგზავნა იმ დროისთვის, როცა სტუმრებს, შესაძლოა, დასჭირდეთ ამა თუ იმ შეტყობინებაში აღნიშნული ინფორმაცია.

ამას გარდა, შეგიძლიათ, შეადგინოთ მზა პასუხები — მოკლე შაბლონები, რომელთაც გამოიყენებთ ხშირად დასმულ შეკითხვებზე პასუხის გასაცემად, რაც დაგიზოგავთ დროს სტუმრებთან მიმოწერისას.

შეტყობინებების ტექსტის მოსამზადებლად და მათი გაგზავნის დასაგეგმად გადადით მიმოწერის პარამეტრებზე „შეტყობინებების“ ჩანართიდან.

ამ ტიპის შეტყობინებებში ცვლადების გამოყენებით მათ პერსონალურ ელფერს შესძენთ. ცვლადების მეშვეობით შეტყობინებებში შესაძლებელია გარკვეული ინფორმაციის ავტომატურად ჩასმა როგორც თქვენი განცხადებიდან, ისე სტუმრის მიერ გაფორმებული ჯავშნიდან, მაგალითად, სახლის წესების, სტუმრის სახელის ან დაბინავების თარიღის. იზრუნეთ, რომ საცხოვრებლის შესახებ ყველა ცნობა სრული და განახლებული იყოს, რადგან ცარიელი ცვლადების შემცველი შეტყობინებები, შესაძლოა, სწორად არ გაიგზავნოს.

ცვლადების ჩასასმელად ისარგებლეთ ჩამოსაშლელი მენიუთი. შეტყობინების ტექსტზე მუშაობის დასრულების შემდეგ აირჩიეთ, სტუმრის რომელი მოქმედება გააქტიურებს მის გაგზავნას. საჭიროებისამებრ, ნებისმიერ დროს შეძლებთ შეტყობინების ჩასწორებას, მისი გაგზავნის გამოტოვებას ან დაგეგმილზე ადრე გაგზავნას.

დაგეგმილ შეტყობინებებში ცვლადების გამოყენება შეგიძლიათ შემდეგნაირად:

გამარჯობა, [სტუმრის სახელი]!

გმადლობთ ჯავშნის გაფორმებისთვის. თქვენი დაბინავების თარიღია [შესვლის თარიღი] — გელით! გთხოვთ, შემატყობინოთ, როდის აპირებთ დაბინავებას, რომ ყველაფერმა დაუბრკოლებლად ჩაიაროს. როგორც წესი, დაბინავების დაწყების დროა [შესვლის დრო].

გაეცანით მოკლე ინფორმაციას უბნის შესახებ: [უბანი]

გაეცანით რჩევებს ტრანსპორტთან დაკავშირებით: [ტრანსპორტი]

[ქალაქი] შესანიშნავად რომ დაგამახსოვრდეთ, გაეცანით ჩვენს გზამკვლევს: [გზამკვლევი]. სტუმრობამდე რამდენიმე დღით ადრე მოგაწვდით ინფორმაციას დაბინავების შესახებ. გვაცნობეთ, თუ რაიმე შეკითხვა გაქვთ.

შეტყობინების გაგზავნის დაგეგმვა ნებისმიერი დროისთვის შეგიძლიათ, თუმცა შეეცადეთ, სტუმრებს საჭირო ინფორმაცია საჭირო დროს მიაწოდოთ.

• ჯავშნის გაფორმებიდან მოკლე დროში: მოკლე სამადლობელი შეტყობინებით შეგიძლიათ აცნობოთ სტუმრებს, რომ მათი მოთხოვნა მიიღეთ. იქვე შეგიძლიათ დაურთოთ გარკვეული ცნობები და რჩევები მომავალ სტუმრობასთან დაკავშირებით.
• დაბინავებამდე: შეახსენეთ სტუმრებს მომავალი სტუმრობის შესახებ, რომ ისინი სათანადოდ მოემზადონ დაბინავებისთვის. ამ ტიპის შეტყობინებების სტუმრებისთვის ავტომატურად გაგზავნა შესაძლებელია დაბინავებამდე 14 დღის შუალედში.
• დაბინავების დღეს: არ აქვს მნიშვნელობა, უკვე გაზიარებული გაქვთ თუ არა სტუმრებისთვის დაბინავების ინსტრუქცია, მრავალ მათგანს მოსწონს, როცა მასპინძელი დაბინავების დღესაც ახსენებს მათ საკვანძო ინფორმაციას, მათ შორის, საცხოვრებლამდე მისასვლელ გზას.
• სტუმრობის პირველ დღეს: მოიკითხეთ სტუმრები და დაინტერესდით, რაიმე შეკითხვა ხომ არ აქვთ მათ.
• საცხოვრებლიდან გასვლის დღეს: გადაუხადეთ სტუმრებს მადლობა სტუმრობისთვის და შეახსენეთ, დაგიტოვონ მიმოხილვა.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.