მასპინძლის გაცნობითი ბარათის უპირატესობები

სტუმრებისგან შევიტყვეთ, რომ ოთახის დაჯავშნამდე აინტერესებთ, ვისთან იქნება სივრცე საზიარო. მასპინძლის გაცნობითი ბარათი საშუალებას გაძლევთ, წარუდგინოთ თავი სტუმრებს და მათ გარკვეული მოლოდინი შეუქმნათ.

მასპინძლის გაცნობითი ბარათი ივსება თქვენს პროფილში არსებული საკვანძო მონაცემებით, რომლებიც შემდეგ გამოიყოფა ოთახების ძიების შედეგებში. თქვენს ფოტოზე შეხებით სტუმრები წაიკითხავენ ყველაფერს, რაც თქვენ შესახებ გააზიარეთ. მსგავსი ინფორმაციის პოვნა შესაძლებელია განცხადების გვერდზე, სათაურის „გაიცანით მასპინძელი” ქვეშ.

ბარათის ზედა ნაწილში მითითებული იქნება თქვენი სახელი, მასპინძლობის სტაჟი, ვარსკვლავებით მიღებული შეფასება და რამდენიმე სტუმრის მიმოხილვა. აღნიშნულის ქვემოთ აისახება დამატებითი პირადი ინფორმაცია. ამ სექციას შეგიძლიათ დაამატოთ ცნობები იმის შესახებ, თუ რა სფეროში მუშაობთ, რა ჰობი გაქვთ, რომელ ენებს ფლობთ, ასევე, მოჰყვეთ სახალისო ფაქტები თქვენ შესახებ, გააზიაროთ თქვენი შინაური ცხოველის სახელი და რას სთავაზობთ სტუმრებს განსაკუთრებულს.

გაცნობით ბარათს ინფორმაცია რომ დაემატოს, ჩაასწორეთ თქვენი პროფილი. ასევე, შეიტყვეთ, როგორ გადაიღოთ ფოტო შესანიშნავი პირველი შთაბეჭდილების მოსახდენად.

მასპინძლის გაცნობითი ბარათი სტუმრებთან მეგობრული ურთიერთობის დამყარების შესანიშნავი ხერხია. განსაკუთრებით, თუ საერთო ინტერესები, საქმიანობის სფერო ან მუსიკალური გემოვნება გაქვთ.

„მასპინძელი ჩემი საუკეთესო მეგობარი არ უნდა იყოს, თუმცა მასთან ერთ საცხოვრებელში ყოფნისას თავს კარგად უნდა ვგრძნობდე“, — გვიყვება სტეისი, სტუმარი ოკლაჰომა‑სიტიდან (აშშ), და დასძენს: „გაცნობითი ბარათები მასპინძლების ადამიანურ მხარეს წარმოაჩენს და გარკვეულ განწყობასაც გიქმნის სტუმრობასთან დაკავშირებით“.

დეტალური ინფორმაციის წინასწარ გაცნობა სტუმრობის მსურველებს იმის გადაწყვეტაშიც ეხმარება, რამდენად შეესაბამება საცხოვრებელი მათ საჭიროებებს — ყოველივე ეს დაგიზოგავთ დროს თქვენც და სტუმრებსაც. „ხანგრძლივი მიმოწერა აღარ მჭირდება, ჯავშნების გაფორმება კი უფრო მარტივია, რადგან ჩემს ყველა შეკითხვაზე პასუხი უკვე მოცემულია“, — ამბობს სტეისი.

გაცნობითი ბარათი ეხმარება კრისს, სუპერმასპინძელს მეიკონიდან (ჯორჯია, აშშ), სტუმრების გაცნობისას უხერხულობის დაძლევაში. „მორიდებული ადამიანი ვარ და მეტად გახსნაში მეხმარება“, — ამბობს ის და დასძენს: „ვცდილობ, პროფილში ჩემ შესახებ იუმორნარევი ინფორმაცია მივუთითო“.

გაცნობით ბარათში კრისს უწერია, რომ ის პენსიაზე გასული სპორტსმენი და ბრენდის ელჩი სუპერმასპინძელია. ის, ასევე, აღნიშნავს, რომ:

• ყველაზე დიდ დროს ართმევს გოლფი

• ჰყავს ძაღლი, სახელად პრინცესა

• დაიბადა 80‑იან წლებში

• იყო ფეხბურთელი ისტორიულად შავკანიანთა ორი უმაღლესი სასწავლებლის გუნდებში

• სტუმრებს სთავაზობს ყავის დახლს

თუ თქვენ მიერ განთავსებულ ოთახში სტუმრობის მსურველებს თქვენ შესახებ ოდნავ მეტ ინფორმაციას გაუზიარებთ, შესაძლოა, თქვენთან საერთო ინტერესებისა და გატაცებების მქონე ადამიანები გეწვიონ.

სტეისი, მაგალითად, აღნიშნავს: „თუ წავიკითხავ, რომ ერთი მასპინძელი ყველაზე დიდ დროს უთმობს კარაოკეს, მეორე კი — Netflix‑ის ყურებას, მივხვდები, რომ ისინი სხვადასხვა ტიპის სტუმრებს მოელიან“.

მასპინძლის გაცნობითი ბარათის შესავსებად გადადით თქვენს პროფილზე Airbnb‑ზე და აირჩიეთ „ჩასწორება“, ან დააწკაპუნეთ ქვემოთ მოცემულ ღილაკზე.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.