ძირითადი წესები სტუმრებისთვის

რედაქტორის შენიშვნა: სტატია გამოქვეყნდა Airbnb‑ს 2022 წლის ზამთრის განახლების ფარგლებში. ინფორმაცია, შესაძლოა, შეცვლილიყო მისი გამოქვეყნების შემდეგ. შეიტყვეთ ვრცლად ჩვენი პროდუქტის უახლესი ვერსიის შესახებ.

2022 წელს Airbnb‑ზე გაფორმებული 10‑დან 8 ჯავშანი სტუმრებმა ხუთი ვარსკვლავით შეაფასეს. თქვენ ნამდვილად იცით, როგორ იზრუნოთ სტუმრებზე! ახლა კი გვსურს, რომ თქვენზე ზრუნვაც იგრძნოთ.

სტუმრები საცხოვრებლებს მეტად რომ გაუფრთხილდნენ, ჩვენ შევიმუშავეთ ძირითადი წესები — იმ სტანდარტების ნაკრები, რომლებიც ყველა სტუმარმა უნდა დაიცვას. აღნიშნულ წესებს, რომლებიც მარტივად და მკაფიოდაა ფორმულირებული, ჯავშნის გაფორმების თითოეული მსურველი გაეცნობა.

სახლის წესები სტუმრობის მსურველთათვის სათანადო მოლოდინის შექმნის შესანიშნავი საშუალებაა. ამას გარდა, მასპინძლის მიერ დადგენილი სახლის ნებისმიერი სტანდარტული წესის დარღვევისთვის შესაძლებელია სტუმრისთვის გარკვეული პასუხისმგებლობის დაკისრება, თუ საკითხის უშუალოდ მასთან მოგვარება ვერ მოხერხდება.

მასპინძლებს სტანდარტული წესების არჩევა შეუძლიათ შემდეგი განყოფილებებიდან:

• შინაური ცხოველები
• ღონისძიებები
• მოწევა, ვეიპინგი და ელექტროსიგარეტები
• სიმშვიდის საათები
• შესვლისა და გასვლის საათები
• სტუმრების მაქსიმალური რაოდენობა
• კომერციული ფოტო‑ და ვიდეოგადაღება

თუ გაქვთ განსაკუთრებული მითითებები, რომლებიც სახლის სტანდარტული წესების ჩამონათვალში არ შედის, მათი დართვა შეგიძლიათ დამატებითი წესების სახით, თქვენი განცხადების პარამეტრებიდან.

სახლის წესები წარმოდგენილია ოთხ ადგილას: განცხადების გვერდზე, საცხოვრებლის დაჯავშნის დადასტურების ეკრანზე, ასევე, ჯავშნის დამადასტურებელ ელწერილსა და დაბინავების გზამკვლევში, რომელიც სტუმრობამდეა ხელმისაწვდომი.

ძირითადი წესების მიხედვით, სტუმრები ისე უნდა მოექცნენ თქვენ მიერ მათთვის შეთავაზებულ საცხოვრებელს, როგორც საკუთარს. მათ არ უნდა დატოვონ იქაურობა ისეთ მდგომარეობაში, რომ საჭირო გახდეს საგულდაგულო დასუფთავება — მაგალითად, შინაური ცხოველების მიერ ხალიჩების დაბინძურების შემთხვევაში.

თუ სტუმარი ნივთს მიაყენებს ზიანს, რომელიც სცდება სტანდარტულ ცვეთას, ის უნდა დაუკავშირდეს მასპინძელს გონივრული გამოსავლის საპოვნელად. ამასთან, სტუმარმა, რომელიც პასუხისმგებელია ნივთის დაზიანებაზე/დაკარგვაზე ან გაუთვალისწინებელ დასუფთავებაზე, უნდა გადაიხადოს დასაბუთებულად მოთხოვნილი თანხა.

წინააღმდეგ შემთხვევაში, მასპინძელს საშუალება ექნება, მოითხოვოს ანაზღაურება პროგრამის „AirCover მასპინძლებისთვის“ ფარგლებში, რომელიც მასპინძელთა ზარალისგან დაცვას ითვალისწინებს.

თუ სტუმრები ძირითად წესებს დაარღვევენ, ამის შესახებ შეტყობინება შეგიძლიათ მიმოხილვის დროს სტუმრებისთვის დაბალი შეფასების მიცემით სისუფთავის ან სახლის წესების დაცვის კატეგორიებში, ანდაც გაერთიანების მხარდაჭერის გუნდთან დაკავშირების გზით.

თუ, მაგალითად, სახლის სტანდარტული წესების მიხედვით, მოწევა აკრძალული გაქვთ, სტუმარი კი მაინც მოწევს საცხოვრებელში და ამის შესახებ შეგვატყობინებთ, საკითხს შევისწავლით და სათანადო ზომებს მივიღებთ.

იმ სტუმრების ანგარიშებს, რომლებიც რეგულარულად არღვევენ სახლის სტანდარტულ წესებს, შესაძლოა, დროებით შეუჩერდეს მოქმედება, ან ისინი წაიშალოს Airbnb‑ს პლატფორმიდან, თუ დარღვევები გაგრძელდება. თუ სტუმარი თქვენ მიერ დადგენილ დამატებით წესებს დაარღვევს, შესაბამისი ზომების მიღებაში ჩვენ დაგეხმარებით.

თუ სტუმრისთვის სახლის წესების დარღვევის შეტყობინების შემდეგ ის შურისმაძიებლურ მიმოხილვას დაგიტოვებთ, საშუალება გექნებათ, გაასაჩივროთ აღნიშნული მიმოხილვა.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.

მასპინძელთა ზარალისგან დაცვა არ არის სადაზღვევო პოლისი, ხოლო პროგრამა ექვემდებარება გარკვეულ წესებს, პირობებსა და შეზღუდვებს. ის არ მოქმედებს Airbnb Travel LLC‑თი მოსარგებლე მასპინძლებისთვის, ასევე, არ ეხება იაპონიაში მოღვაწე მასპინძლებს (მათზე ვრცელდება იაპონიაში მასპინძელთა დაზღვევა). მასპინძლებისთვის, რომლებიც სტუმრებს კონტინენტურ ჩინეთში სთავაზობდნენ საცხოვრებლებს, მოქმედებს ჩინეთში მასპინძლების დაცვის გეგმა. მასპინძლები, რომელთა საცხოვრებელი ან იურიდიულ პირად რეგისტრაციის ქვეყანა არის ავსტრალია, ექვემდებარებიან მასპინძელთა ზარალისგან დაცვის პირობებს ავსტრალიელი მომხმარებლებისთვის. გაითვალისწინეთ, რომ დაფარვის ყველა ლიმიტი მითითებულია აშშ დოლარში.

ვაშინგტონის შტატში განთავსებული განცხადებების შემთხვევაში, მასპინძელთა ზარალისგან დაცვის პროგრამის ფარგლებში Airbnb‑ს სახელშეკრულებო ვალდებულებებს ფარავს Airbnb‑ს მიერ შეძენილი სადაზღვევო პოლისი. მასპინძელთა ზარალისგან დაცვა არ არის კავშირში საცხოვრებლის შეთავაზებისას წარმოშობილი პასუხისმგებლობის დაზღვევასთან. მასპინძელთა ზარალისგან დაცვის ფარგლებში თქვენ აგინაზღაურდებათ სტუმრების მიერ საცხოვრებლისთვის ან მასში არსებული ნივთებისთვის მიყენებული ზიანი, თუ სტუმარი უარს იტყვის ზარალის ანაზღაურებაზე.