Airbnb‑თი სარგებლობის დაწყება

განცხადება საცხოვრებლის ერთგვარი რეკლამაა. ის მაქსიმალურად მიმზიდველი უნდა იყოს, თუმცა ყველა თავისებურების გულწრფელად აღწერაც აუცილებელია.

• დაიწყეთ ძირითადით. მიუთითეთ საცხოვრებლის მდებარეობა, ობიექტის ტიპი, სტუმრებისთვის განკუთვნილი საწოლებისა თუ სააბაზანოების რაოდენობა და სხვა დეტალები.
• გადაუღეთ საცხოვრებელს ფოტოები. სტუმრებს ფოტოების დათვალიერება მოსწონთ, როცა საცხოვრებელს არჩევენ. ფოტოები ეფექტური რომ გამოვიდეს, წინასწარ მოამზადეთ საცხოვრებელი. გადაიღეთ თითოეული სივრცის ფოტო ბუნებრივი განათების პირობებში და, თუ შესაძლებელია, ჰორიზონტალურად.
• წარმოაჩინეთ განსაკუთრებული მახასიათებლები. განცხადების სათაურსა და აღწერილობაში აღნიშნეთ, რა გამოარჩევს თქვენ მიერ შეთავაზებულ საცხოვრებელს (მაგალითად, ხედი ან აუზი). აღწერილობა უნდა მოიცავდეს ისეთ დეტალებსაც, როგორიცაა კიბეებისა თუ საპარკინგე ადგილის არსებობა ან სხვა ინფორმაცია, რომელიც სტუმრებმა დაჯავშნამდე უნდა იცოდნენ.
  

სტუმრებს რომ უპრობლემოდ უმასპინძლოთ, შემდეგი ნაბიჯი იქნება ორგანიზაციული საკითხების მოგვარება.

• განცხადებას დაამატეთ სახლის წესები. სტუმრებმა თქვენი მოლოდინი რომ გაამართლონ, გააცანით სახლის წესები ისეთი დეტალების მითითებით, როგორიცაა შეზღუდვები მოწევასთან, შინაურ ცხოველებთან ან წვეულებებთან დაკავშირებით.
• დააყენეთ კალენდარი. ჯავშნები მხოლოდ თავისუფალ თარიღებში რომ მიიღოთ, განაახლეთ კალენდარი Airbnb‑ზე საცხოვრებლის დასაჯავშნად ხელმისაწვდომობის შესაბამისად. ასევე, შეგიძლიათ მიუთითოთ, რა დრო გჭირდებათ სტუმრის დაბინავებამდე ან რამდენი ხნით ადრე შეუძლიათ სტუმრებს დაჯავშნა.
  
• განსაზღვრეთ ფასი ერთ ღამეზე. ფასი თქვენი გადასაწყვეტია, თუმცა ჩვენც გთავაზობთ სასარგებლო ხელსაწყოებს, როგორიცაა გონივრული ფასწარმოქმნა, რომელიც დაგეხმარებათ, ფასი მოთხოვნას შეუსაბამოთ. ამას გარდა, კონკრეტული სეზონებისა თუ შაბათ-კვირისთვის ინდივიდუალური ფასების დაწესების შესაძლებლობასაც გაძლევთ.
• გაეცანით ადგილობრივ კანონებს. ზოგიერთ ქალაქში საცხოვრებლის გაზიარება რეგულირდება გარკვეული წესებით, მაგალითად, დაწესებულია შეზღუდვები ღამეების რაოდენობაზე ან საჭიროა რეგისტრაცია თუ გარკვეული გადასახადების აკრეფა. ვრცლად კეთილსინდისიერი მასპინძლობის შესახებ.
  

არ აქვს მნიშვნელობა, სტუმარი პირველი არის თუ მეასე — მის მისაღებად საცხოვრებელი მზად უნდა იყოს.

• მოაწესრიგეთ საცხოვრებელი. დაასუფთავეთ თითოეული ოთახი, რომელსაც სტუმრები გამოიყენებენ, განსაკუთრებით კი საძინებლები, სააბაზანოები და სამზარეულო. შეამოწმეთ, რომ ზედაპირებსა და იატაკზე არ იყოს თმა, მტვერი ან ობი. გადააფარეთ საწოლ(ებ)ს ახალი თეთრეული.
  
• შეინახეთ ძვირფასი ნივთები. თუ სამკაულები, პასპორტები ან სხვა ძვირფასი ნივთები გაქვთ, შეინახეთ ისინი დაკეტილ ოთახში, კარადაში, სეიფში ან საცავში. შეგიძლიათ ნათესავებს ან მეგობრებსაც დაუტოვოთ.
  
• მოიმარაგეთ პირველადი საჭიროების ნივთები. სტუმრებმა თავი ისე რომ იგრძნონ, როგორც საკუთარ სახლში, დაახვედრეთ მათ საპონი, შამპუნი, ტუალეტის ქაღალდი, თეთრეული, პირსახოცები და სხვა საჭირო ნივთები. კარგი იქნება, თუ მარაგიც გექნებათ.
• მიაწოდეთ სტუმრებს დეტალური ინფორმაცია დაბინავების შესახებ. იზრუნეთ სტუმრების დაბინავებასა და გაცილებაზე. შეგიძლიათ მეგობრები ან ნათესავებიც დაიხმაროთ. თუ დამხმარეს ვერ იპოვით, გამოიყენეთ მინი‑სეიფი ან ელექტრონული საკეტი და მიაწოდეთ სტუმრებს დაბინავების ინსტრუქცია Airbnb‑ს აპში.
• შეიტანეთ საბოლოო შტრიხები. სტუმრებს მოსწონთ კარგად გააზრებული დეტალები. სტუმრის ცნობარი მათ ორიენტირებაში დაეხმარება მითითებებითა და რჩევებით. სტუმრებს ესიამოვნებათ, თუ ბოთლ ღვინოს ან სუვენირს დაახვედრებთ, თუმცა, რა თქმა უნდა, ეს სავალდებულო არ არის.

საცხოვრებლის მომზადებისა და განცხადების გამოქვეყნების შემდეგ მზად იქნებით, დაიწყოთ მასპინძლობა და შემოსავლის მიღება.