ახალი სასარგებლო ანალიტიკური ინფორმაცია შემოსავლის მართვის პანელში

როცა შემოსავალთან დაკავშირებული ყველა დეტალი გასაგებია, მასპინძლობის კუთხით საგრძნობი წარმატების მიღწევა მარტივდება. სწორედ ამიტომ, მასპინძლებისგან მიღებული გამოხმაურების საფუძველზე, გადავწყვიტეთ, შემოსავლის მართვის პანელს ქვემოთ ჩამოთვლილი ფუნქციები დავამატოთ.

• ინდივიდუალური ანგარიშები: შექმენით შემოსავლის ანგარიშები ნებისმიერი განცხადებისა და პერიოდისთვის.
• გაფილტვრა შემოსავლის ტიპის მიხედვით: ცალ‑ცალკე გაეცანით თქვენს შემოსავალს საცხოვრებლების, ბონუსების, გადაწყვეტილებებისა და სხვა პარამეტრების მიხედვით.
• საშემოსავლო საინფორმაციო ბარათები: მათი მეშვეობით შეიტყობთ თქვენი კუთვნილი თანხის გაცემის შესახებ.

ქვემოთ გაგაცნობთ, როგორ გამოიყენოთ ფუნქციები, რომლებიც შემოსავლის მართვის პანელში დაგხვდებათ. დავიწყოთ ახლებით.

შექმენით შემოსავლის ინდივიდუალური ანგარიშები ნებისმიერი განცხადებისა და პერიოდისთვის. Airbnb კვლავ მოგიმზადებთ ყოველთვიურ და ყოველწლიურ ანგარიშებს, რომლებიც ხელმისაწვდომია იმ თვიდან, როცა მასპინძლობა დაიწყეთ.

თითოეულ ანგარიშში გაეცნობით შემოსავლის, გამოქვითვებისა და წმინდა ანაზღაურების სრულ დეტალიზაციას. სურვილისამებრ, მას შეგიძლიათ დაურთოთ შემდეგი მონაცემები:

• ანაზღაურების მიღების მეთოდები, რომელთა შემთხვევაშიც აისახება შემოსავლის ჯამი ანაზღაურების მისაღებად გამოყენებული თითოეული ანგარიშისთვის;
• ეფექტურობის მაჩვენებლები, რომლებიც ასახავს დაჯავშნილი ღამეების რაოდენობასა და სტუმრობის საშუალო ხანგრძლივობას.

დასართავი მონაცემების არჩევის შემდეგ შეგიძლიათ ჩამოტვირთოთ ან ელფოსტით გაიგზავნოთ ანგარიშის PDF-ვერსია სამომავლო გამოყენებისთვის.

მომავალ ან შესრულებულ ტრანსაქციებთან დაკავშირებული მონაცემები შეგიძლიათ შემოსავლის სხვადასხვა ტიპის მიხედვით გაფილტროთ. აღნიშნულ ფილტრებს შორისაა, მაგალითად:

• საცხოვრებლები,
• შთაბეჭდილებები,
• ბონუსები,
• გადაწყვეტილებები.

ტრანსაქციების გაფილტვრა შესაძლებელია თარიღის, განცხადებისა და ანაზღაურების მიღების მეთოდის მიხედვითაც.

როცა თქვენი კუთვნილი თანხა გაიცემა, შემოსავლის მართვის პანელში აისახება საშემოსავლო საინფორმაციო ბარათი. მასზე მითითებული იქნება:

• ანაზღაურების მიღების მეთოდი,
• ტრანსაქციის ოდენობა,
• დამუშავების სავარაუდო დრო.

გახსენით ტრანსაქცია, უფრო ვრცელ ინფორმაციას რომ გაეცნოთ.

შემოსავლის მართვის პანელის ზედა ნაწილში მოცემულ დიაგრამაზე ასახულია:

• წინა ექვსი თვიდან თითოეულის განმავლობაში თქვენ მიერ მიღებული შემოსავალი;
• მიმდინარე თვეში მოცემულ მომენტამდე მიღებული შემოსავალი;
• მომდევნო ხუთი თვიდან თითოეულისთვის პროგნოზირებული შემოსავალი (მომავალი ჯავშნების საფუძველზე).

გაშალეთ დიაგრამა, რომ გაეცნოთ შემოსავალს თვეების ან წლების მიხედვით. ასევე, შესაძლებელია მონაცემთა გაფილტვრა განცხადებების მიხედვით.

შემოსავლის ინტერაქტიური დიაგრამის ქვემოთ ნაჩვენები იქნება ეფექტურობის მაჩვენებლები, კერძოდ, დაჯავშნილი ღამეების რაოდენობა და სტუმრობის საშუალო ხანგრძლივობა.

შემოსავლის შეჯამებაში აისახება თქვენი მთლიანი შემოსავალი, გამოქვითვები და წმინდა ანაზღაურება მიმდინარე წლის 1 იანვრიდან.

შემოსავლის მართვის პანელის ზედა მარჯვენა ნაწილში მოცემული კბილანას ხატულას საშუალებით ხელმისაწვდომია:

• ანაზღაურების მიღების მეთოდები და გადანაწილების წესები;
• გადასახადის გადამხდელის მონაცემები და საგადასახადო დოკუმენტები;
• შემოსავლის ანგარიშები ნებისმიერი განცხადებისა და პერიოდისთვის;
• რთულ ვითარებაში აღმოჩენილი ადამიანების დასახმარებლად Airbnb.org‑ის ფარგლებში რეგულარულად გაღებული თანხები (თითოეული ანაზღაურებიდან გამოქვითული პროცენტული რაოდენობის სახით).

მიიღეთ ადრეული წვდომა დღესვე და მოსინჯეთ შემოსავლის მართვის პანელის ახალი ფუნქციები.

ხელსაწყოები და ფუნქციები, შესაძლოა, განსხვავდებოდეს მდებარეობის მიხედვით.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.