სტუმრების პროფილებში შეტანილი ცვლილებები მათ უკეთ გაცნობაში დაგეხმარებათ
რედაქტორის შენიშვნა: სტატია გამოქვეყნდა 2024 წლის ზაფხულის განახლების ფარგლებში. ინფორმაცია, შესაძლოა, შეცვლილიყო მისი გამოქვეყნების შემდეგ. შეიტყვეთ ჩვენი პროდუქტის უახლესი ვერსიის შესახებ.
თქვენგან შევიტყვეთ, რომ მნიშვნელოვანია, მეტი ინფორმაცია გქონდეთ თქვენი სტუმრების შესახებ. ამიერიდან, ყველას, ვინც ჯავშანს გააფორმებს ან სტუმრების სიას დაემატება, პროფილის მეტად შევსებას ვთხოვთ.
როგორ მოქმედებს სტუმრების სახეცვლილი პროფილები?
ახალი ფუნქციების მეშვეობით პროფილების შევსება სტუმრებისთვის უფრო მარტივი და სახალისო იქნება. აღნიშნული მოიცავს ფოტოასისტენტსაც, რომელიც დაეხმარება სტუმარს, პროფილისთვის გადაიღოს სახის მკაფიოდ ამსახველი ფოტო სხვა ადამიანების აღბეჭდვის გარეშე.
მასპინძლების მსგავსად, სტუმრებსაც შეუძლიათ თავიანთ პროფილებში სხვადასხვა ცნობის მითითება, მაგალითად, იმის შესახებ, თუ სად ცხოვრობენ და რომელ ენებზე საუბრობენ. ყოველივე ამის გათვალისწინებით, უფრო ზუსტად გეცოდინებათ, ვინ გეწვევათ. ვინაობის დადასტურება კვლავ მოეთხოვება ჯავშნის გაფორმების ყველა მსურველს.
სტუმრებს, ასევე, შეუძლიათ, თავიანთ პროფილებს დაამატონ სამახსოვრო შტამპები Airbnb‑ს მეშვეობით წარსულში დაჯავშნილი სტუმრობებიდან. შტამპები ილუსტრირებულია და პასპორტის მსგავსად ასახავს მოგზაურობის ისტორიას.
სტუმრების პროფილებზე გადასვლა კვლავ შესაძლებელი იქნება ჯავშნის გახსნის მეშვეობით.
დაეხმარეთ სტუმრებს, უკეთ გაგიცნონ — შეავსეთ თქვენი, როგორც მასპინძლის, პროფილი.