Airbnb‑ს მეშვეობით პირველი სტუმრების მასპინძლობა

შესაძლოა, ბევრი შეკითხვა გქონდეთ იმასთან დაკავშირებით, თუ როგორ მოემზადოთ პირველი სტუმრებისთვის. ყველაფერმა დაუბრკოლებლად რომ ჩაიაროს, რამდენიმე რჩევას გთავაზობთ.

შეიმუშავეთ მარტივი და საიმედო პროცედურა. დაურთეთ დაბინავების გზამკვლევს საცხოვრებლამდე მისასვლელი გზა, დაბინავების მეთოდი, ასევე, დაბინავების დეტალური ინსტრუქცია. მრავალ სტუმარს დამოუკიდებლად დაბინავება ურჩევნია, რადგან ამ შემთხვევაში თქვენთან შეხვედრის დროის შეთანხმება აუცილებელი არ იქნება.

დაბინავებასთან დაკავშირებით თქვენ მიერ მომზადებული მითითებები სტუმრებისთვის ხელმისაწვდომი გახდება სტუმრობის დეტალების სექციაში, დაბინავების დაგეგმილ დრომდე 48 საათით ადრე (ან 24 საათით ადრე, თუ გაუქმების მოქნილი წესები გაქვთ არჩეული).

ყველა სტუმარს განსხვავებული საჭიროებები აქვს, თუმცა მათი უმეტესობა კონკრეტულ ნივთებსა თუ ინფორმაციას მოელის. დაიხმარეთ ქვემოთ მოცემული რჩევები, სტუმრებს თავი კომფორტულად რომ აგრძნობინოთ.

• მოიმარაგეთ პირველადი საჭიროების ნივთები. აღნიშნული მოიცავს პირსახოცებს, ზეწრებს, ბალიშებს, საპონსა და ტუალეტის ქაღალდს.

• იყავით კავშირზე. შეიმუშავეთ პრობლემების სწრაფად გადაწყვეტის გეგმა და შეახსენეთ სტუმრებს, რომ შეკითხვების შემთხვევაში შეუძლიათ, მოგმართონ.

• მოამზადეთ სტუმრის ცნობარი. დაურთეთ მას მნიშვნელოვანი ინფორმაცია, მაგალითად, ინტერნეტით ან სხვადასხვა მოწყობილობით სარგებლობის წესის შესახებ. დაუტოვეთ სტუმრებს ცნობარის ამობეჭდილი ეგზემპლარი თვალსაჩინო ადგილას.

• შეადგინეთ გზამკვლევი. გაუზიარეთ სტუმრებს ადგილობრივი რჩევები — მაგალითად, ურჩიეთ მათ საკვები, სავაჭრო, ღირსშესანიშნავი და სასეირნო ადგილები.

სტუმრებთან ყოველი ურთიერთქმედებით საშუალება გეძლევათ, შეუქმნათ მათ გარკვეული მოლოდინი და აგრძნობინოთ, რომ ზრუნავთ მათზე.

• შექმენით მეგობრული ატმოსფერო. იხელმძღვანელეთ ინკლუზიური პრაქტიკით, რომ თქვენმა თითოეულმა სტუმარმა თავი კომფორტულად იგრძნოს. დასაწყისისთვის საკმარისია, ჰკითხოთ მათ, რაიმე ხომ არ სჭირდებათ მეტი სიმყუდროვისთვის.

• იყავით გულისხმიერი. შეეცადეთ, ყველა სიტუაციას სტუმრის თვალით შეხედოთ.

• სწრაფად გაეცით პასუხები. თუ გამოხმაურების მაღალ სიხშირეს შეინარჩუნებთ, თქვენი განცხადება უფრო დიდი ალბათობით მოხვდება უკეთეს პოზიციებზე Airbnb‑ზე ძიების შედეგებში. სწრაფ კომუნიკაციაში აპით სარგებლობა დაგეხმარებათ. ამას გარდა, შეგიძლიათ გამოიყენოთ დაგეგმილი შეტყობინებების ფუნქცია, რომ სტუმრებს სასარგებლო ინფორმაცია მნიშვნელოვან მომენტებში (მაგალითად, დაბინავების დროის მოახლოებისას) მიაწოდოთ.

გთავაზობთ იმ შეტყობინებების რამდენიმე მაგალითს, რომელთა კონკრეტულ დროს გაგზავნის დაგეგმვაც შეგიძლიათ. მაგალითებში გამოიყენება ცვლადები, რომლებიც ავტომატურად ჩანაცვლდება ინფორმაციით სტუმრის, ჯავშნისა თუ საცხოვრებლის შესახებ. მათ ჩასასმელად ისარგებლეთ ჩამოსაშლელი მენიუთი, რადგან ისინი არ იმუშავებს, თუ მათ ხელით აკრეფთ.

სტუმრები მოელიან, რომ დაბინავებისას სუფთა საცხოვრებელი დახვდებათ. შეიმუშავეთ ყველა ზედაპირის, იატაკისა და ქსოვილის დასუფთავების პროცედურა.

• შეამოწმეთ, ხომ არ არის სადმე ლაქები, ჭუჭყი და თმა. ყურადღების მიღმა ხშირად რჩება სივრცეები საწოლების ქვეშ და უჯრების შიგნით, ასევე, ფარდა‑ჟალუზი.

• აირჩიეთ ნეიტრალური არომატები. ნებისმიერი სახის ძლიერი სუნი ბევრი სტუმრისთვის არასასიამოვნოა. დასუფთავებისას გახსენით ფანჯრები და გამოიყენეთ ზომიერი, უნივერსალური სადეზინფექციო საშუალებები.

• აიღეთ ან შეინახეთ პირადი ნივთები. ეს მეტ სიმყუდროვეს შესძენს საცხოვრებელს და ის ნაკლებად გადატვირთული იქნება.

მასპინძლებსა და სტუმრებს ერთმანეთის მიმოხილვისთვის სტუმრობის დასრულებიდან 14 დღე აქვთ. მიმოხილვები დამალულია, სანამ თქვენც და ჯავშნის გამფორმებელი სტუმარიც არ დაასრულებთ თქვენ‑თქვენი მიმოხილვების დაწერას, ან მიმოხილვის 14‑დღიანი პერიოდის ამოწურვამდე. ამას გარდა, სტუმრებს საშუალება აქვთ, ვარსკვლავებით შეაფასონ როგორც ზოგადად სტუმრობა, ისე მისი ცალკეული ასპექტები — კერძოდ, სისუფთავე, სიზუსტე, დაბინავება, კომუნიკაცია, მდებარეობა და ფასის შეფარდება ხარისხთან.

პირველი რამდენიმე მიმოხილვა განსაკუთრებით მნიშვნელოვანია — პირველი სამი მიმოხილვის მიღების შემდეგ საცხოვრებელს ენიჭება საერთო შეფასება, რომელიც ზოგჯერ განაპირობებს იმას, თუ რა პოზიციაზე მოხვდება თქვენი განცხადება ძიების შედეგებში. დაგეგმეთ სტუმრებისთვის შეტყობინების გაგზავნა საცხოვრებლიდან გასვლის დღეს, რომ შეახსენოთ მათ, მიმოიხილონ სტუმრობა.

სტუმრების მიმოხილვისას იყავით გულწრფელი და თავაზიანი. ყველა სტუმრის მიმართ ერთი სტანდარტით იხელმძღვანელეთ. მიმოხილვები განამტკიცებს ნდობას სტუმრებსა და მასპინძლებს შორის.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.