ანაზღაურების მიღების წესი გრძელვადიანი ჯავშნებისთვის

გრძელვადიანი ჯავშნები სტაბილური შემოსავლის წყაროა, განსაკუთრებით, როცა საცხოვრებელი ზედიზედ რამდენიმე კვირით ან თვით იჯავშნება. თუ მოკლევადიან ჯავშნებს იღებდით ხოლმე, გაითვალისწინეთ, რომ გრძელვადიანი (28 ღამეზე მეტხნიანი) ჯავშნებისთვის ანაზღაურების დრო განსხვავდება.

ხანმოკლე ჯავშნებისთვის ანაზღაურებას სტუმრის დაბინავების შემდეგ დაახლოებით 24 საათში გავცემთ, გრძელვადიანი ჯავშნებისთვის კი კუთვნილ თანხას ნაწილ‑ნაწილ მიიღებთ.

ნაწილ-ნაწილ გადახდის პრინციპი:

• პირველი ანაზღაურება: დაჯავშნისას სტუმარი გადაიხდის პირველი 30 ღამის ღირებულებას, რომელსაც დაგეგმილი დაბინავების დროიდან დაახლოებით 24 საათში გავცემთ
• შემდგომი ანაზღაურებები: დანარჩენი თანხა შეგროვდება და გაიცემა ყოველთვიურად (ყოველ 28-31 დღეში)

„მაგალითად, 45‑დღიანი ჯავშნის შემთხვევაში, პირველი 30 დღის თანხას სტუმრის დაბინავების შემდეგ მალევე მიიღებთ, დანარჩენი 15 დღისას კი — ერთ თვეში“, — განმარტავს სუპერმასპინძელი დებორა ბერკლიდან (კალიფორნია)

ანაზღაურების სტატუსის შემოწმება შესაძლებელია ტრანსაქციების ისტორიიდან.

ვრცლად ანაზღაურების მიღების შესახებ

ანგარიშზე თანხის ასახვის ზუსტი დრო დამოკიდებულია ანაზღაურების მიღების მეთოდსა და თქვენს ბანკზე. თუ ახალი მასპინძელი ხართ და პირველი ჯავშანი მიიღეთ, შესაძლოა, გარკვეული დრო ვინაობის დადასტურებამაც წაიღოს.

ანაზღაურებისთვის თანხის მინიმალური ოდენობის დაწესების შემთხვევაში, თქვენი კუთვნილი თანხა მისი მიღწევამდე არ გაიცემა. თუ სტუმრებს რამდენიმე საცხოვრებელს სთავაზობთ და გაფორმებული ჯავშნები დაბინავებას ერთსა და იმავე თარიღში ითვალისწინებს, როგორც წესი, ანაზღაურება გაიცემა ერთიანი ტრანსაქციით.

როცა თანხას გამოვგზავნით, თქვენი ტრანსაქციების ისტორიაში ანაზღაურებისთვის ნაჩვენები ხაზი „მომავალი ანაზღაურებიდან“ გადაინაცვლებს „გაცემულ ანაზღაურებებში“. სურვილისამებრ, შეგიძლიათ მონაცემები საბანკო ამონაწერს შეადაროთ.

ვრცლად გრძელვადიანი ჯავშნებისთვის ანაზღაურების მიღების შესახებ