5‑ვარსკვლავიან სტუმრობაზე ზრუნვა

დარწმუნდით, რომ განცხადებაში საცხოვრებელი სრულად და ზუსტად გაქვთ აღწერილი.

• მიუთითეთ ყველაფერი ზედმეტი გალამაზების გარეშე: აღნიშნეთ როგორც საცხოვრებლის განსაკუთრებული მახასიათებლები (მაგალითად, ჰიდრომასაჟიანი აუზი ან ბუხარი), ისე თავისებურებები (მაგალითად, ჭრაჭუნა იატაკი ან ქუჩიდან შემომავალი ხმაური).

• ატვირთეთ ხარისხიანი ფოტოები, დაურთეთ მათ წარწერები და დააკონკრეტეთ ის შესაძლო პრობლემები, რომლებზეც უკვე ისაუბრეთ საცხოვრებლის ზოგად აღწერილობაში. შეეცადეთ, თითოეული ოთახისა თუ სივრცის ორი‑სამი ფოტო იქონიოთ (მათ შორის, რომლებზეც ასახული იქნება მნიშვნელოვანი საყოფაცხოვრებო პირობა, ასეთის არსებობის შემთხვევაში).

• არ გადაიღოთ ფოტოები მეტისმეტად ფართო ხედით და არც ზედმეტად დაამუშაოთ ისინი, რადგან ოთახები, შესაძლოა, რეალურზე განათებული ან დიდი გამოჩნდეს.

გახსოვდეთ, რომ მათთვის, ვინც თქვენთან სტუმრობას აპირებს, ერთადერთი საკონტაქტო პირი თქვენ ხართ.

• გამოიჩინეთ წინდახედულობა და სტუმრების დაბინავებამდე შეამოწმეთ, რომ მათ ნამდვილად აქვთ აუცილებელი ინფორმაცია — მაგალითად, საცხოვრებლამდე მისასვლელი გზის ან შიგნით მოხვედრის წესის შესახებ.

• შეძლებისდაგვარად სწრაფად უპასუხეთ სტუმრებისგან მიღებულ შეტყობინებებს.

• გამოიყენეთ წინასწარგანწყობებისგან თავისუფალი ლექსიკა თქვენს შეტყობინებებში, რაც სტუმართმოყვარეობის დემონსტრირების ერთ‑ერთი ყველაზე საგულისხმო კომპონენტია.

• ისარგებლეთ Airbnb‑ს აპითა და ხელსაწყოებით, როგორიცაა, მაგალითად, მზა პასუხები ან დაგეგმილი შეტყობინებები. ისინი გაგიმარტივებთ სტუმრებთან კომუნიკაციას.

• მიაწოდეთ სტუმრებს დაბინავების ინსტრუქცია მინიმუმ 24 საათით ადრე, რომ მათ საკმარისი დრო ჰქონდეთ მის გასაცნობად და შეკითხვების დასასმელად. ყოველივე ეს განსაკუთრებით მნიშვნელოვანია ადაპტირებული პირობების საჭიროების მქონე სტუმრებისთვის.

ოგჯერ ოთხ‑ და ხუთვარსკვლავიან მიმოხილვას შორის სხვაობას დეტალებისადმი ყურადღება განაპირობებს.

• სისუფთავე უაღრესად მნიშვნელოვანია: პირველ რიგში, იზრუნეთ, რომ ზედაპირებზე, იატაკებსა და ქსოვილებზე არ იყოს მტვერი და ჭუჭყი, დასუფთავების შემდეგ კი ყურადღებით შეამოწმეთ, სადმე თმები ან ბინძური ადგილები ხომ არ დარჩა. როგორი არაჩვეულებრივიც არ უნდა იყოს საცხოვრებელი, ხუთვარსკვლავიანი მიმოხილვების მისაღებად უზადო სისუფთავეა საჭირო.

• არ დაგავიწყდეთ პერსონალური შტრიხები: დაახვედრეთ სტუმრებს მისასალმებელი წერილი ან გაუგზავნეთ მათ ამავე შინაარსის შეტყობინება აპის მეშვეობით.

• შექმენით საცხოვრებელში სახლისთვის დამახასიათებელი ატმოსფერო: მაგალითად, თუ საცხოვრებელში არის სამზარეულო, შემატეთ მას ქვაბები და ტაფები, სერვირებისთვის განკუთვნილი კოვზები და საჭმლის მოსამზადებლად აუცილებელი მინიმუმი.

• პატარა ჟესტები ადამიანებს დიდხანს ამახსოვრდებათ: მაგალითად, დივანზე შეგიძლიათ დაკეცილი პლედი დადოთ ან ჩაი/ყავა მოიმარაგოთ.

მასპინძლებისთვის მოქმედი ძირითადი წესების თანახმად, თქვენ არ უნდა გააუქმოთ დადასტურებული ჯავშნები. თუ გაუქმება გარდაუვალია, მაქსიმალურად შეეცადეთ, სტუმრებს საკმარისი დრო დაუტოვოთ გეგმების გადასაწყობად. თუ დახმარება დაგჭირდებათ, მიმართეთ Airbnb‑ს.