Airbnb და მასპინძლები ეწევიან ჯანდაცვისა და განათლების პოპულარიზაციას

2014 წელს ჰოჯინმა და თავისმა მეუღლემ მნიშვნელოვანი გადაწყვეტილება მიიღეს: ისინი წამოვიდნენ სამსახურიდან, სადაც ელექტრონიკას აწარმოებდნენ, და სეულიდან მსოფლიოს გარშემო მოგზაურობა დაიწყეს. ერთი წლის განმავლობაში ისინი ესტუმრნენ 5 კონტინენტის 30 ქვეყანას, თითოეულ მათგანში საცხოვრებლად კი Airbnb‑ზე განთავსებულ ვარიანტებს ირჩევდნენ.

მასპინძლები გულთბილად ხვდებოდნენ ჰოჯინს, რაც მას ძალიან სიამოვნებდა და რამაც სურვილი გაუჩინა, მსგავსი შეგრძნებები სხვებისთვის ეჩუქებინა. მან Airbnb‑ზე მასპინძლად რეგისტრაცია გადაწყვიტა. მეუღლესთან ერთად ჰოჯინს სეულში განთავსებული აქვს სამი საცხოვრებელი, რომლებშიც სტუმრებს უკვე შვიდ წელზე მეტია, რაც მასპინძლობს.

„გვჯერა, რომ მოგზაურობა ადამიანებს ეხმარება პიროვნულ განვითარებაში და მას დადებითი გავლენა აქვს ადგილობრივ მოსახლეობაზე“, — ამბობს ჰოჯინი.

ჰოჯინი მხოლოდ მასპინძლობით არ შემოიფარგლება. ჰოჯინმა, რომელიც სეულის მასპინძელთა კლუბის გაერთიანების ლიდერია, წარადგინა „Good Neighbors International“‑ის კანდიდატურა Airbnb‑ს საზოგადოებრივი ფონდიდან დაფინანსების მისაღებად. მასპინძელთა კლუბების წევრებს ყოველწლიურად ეძლევათ საშუალება, დაეხმარონ ადგილობრივებს საზოგადოებრივი ფონდის მეშვეობით.

სეულში დაფუძნებული საერთაშორისო არაკომერციული ორგანიზაცია, რომელიც დახმარების აღმოჩენასა და განვითარებას ემსახურება, მოიცავს მსოფლიოს 42 ქვეყანას. ის, ასევე, მართავს სამხრეთ კორეელი ბავშვების სოციალურ უზრუნველყოფაზე ორიენტირებული სამსახურების 52 ფილიალს. არაკომერციული ორგანიზაციის მიზანია, დაძლიოს სიღარიბე, დაიცვას ბავშვთა უფლებები და მხარში დაუდგეს თვითმყოფად, ინკლუზიურ ჯგუფებს.

სეულის მასპინძელთა კლუბის მიერ კანდიდატად წარდგენის წყალობით, „Good Neighbors International“‑მა მიიღო 75 000 აშშ დოლარის ოდენობის დაფინანსება Airbnb‑ს საზოგადოებრივი ფონდიდან. მიღებული თანხა მოხმარდება განათლების დონის გაუმჯობესებას, ასევე, ჯანდაცვასა და სუფთა სასმელ წყალზე წვდომის უზრუნველყოფას საერთაშორისო მასშტაბით.

კლუბის წევრები მოხიბლული დარჩნენ ორგანიზაციის მიერ სამხრეთ კორეელი მოსახლეობისთვის გაწეული სამუშაოთი (რომელიც, მაგალითად, მოიცავდა ახალგაზრდა ქალების უზრუნველყოფას ჰიგიენური საშუალებებით) და თავადაც გეგმავენ მოხალისედ ჩაწერას.

2023 წელს Airbnb‑ს საზოგადოებრივი ფონდიდან დაფინანსების მისაღებად არაკომერციული ორგანიზაციების კანდიდატურები მასპინძელთა 50‑ზე მეტმა კლუბმა წარადგინა მსოფლიო მასშტაბით. 2024 წლისთვის განაცხადების მიღება უკვე დაწყებულია. დამატებითი ინფორმაციისთვის მიმართეთ მასპინძელთა ადგილობრივ კლუბს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.