მოლოდინი მასპინძლებისა და საცხოვრებლების მიმართ

სტუმრებმა თავი მშვიდად და კომფორტულად რომ იგრძნონ, ყველა მასპინძელი უნდა იცავდეს ქვემოთ ჩამოთვლილ ძირითად სტანდარტებს.

• საიმედო კომუნიკაცია: მასპინძლები უნდა იყვნენ ოპერატიული და გონივრულ ვადაში სცემდნენ პასუხს როგორც სტუმრების, ისე Airbnb‑ს შეკითხვებს. მათ, ასევე, უნდა მიიღონ სხვადასხვა წარმოქმნილი პრობლემის მოსაგვარებლად საჭირო ზომები.
• ზუსტი განცხადებები: საცხოვრებელი, მისი მდებარეობა/ტიპი, ასევე, მასში არსებული პირადი სივრცე და საყოფაცხოვრებო პირობები ზუსტად უნდა შეესაბამებოდეს იმას, რაც ჯავშნის გაფორმების მომენტში განცხადებაშია აღწერილი. ჯავშნის დადასტურების შემდეგ ცვლილებების შეტანა მასპინძლებს მხოლოდ სტუმრების თანხმობით შეუძლიათ.
• დაცული საცხოვრებლები: მასპინძლებმა საცხოვრებლის დაცვაზე უნდა იზრუნონ, ყველა ძირითადი შესასვლელისთვის კი საჭიროა გასაღებების ან წვდომის კოდების უზრუნველყოფა.
• საიმედო დაბინავება: მასპინძლებმა სტუმრებს უნდა მიაწოდონ ინფორმაცია, რომლის ცოდნაც აუცილებელია დაბინავებისას საცხოვრებელში შესასვლელად (მაგალითად, წვდომის მართებული კოდები, მისასვლელი გზის მკაფიო აღწერილობა და ა.შ.). მასპინძლები, რომლებიც სტუმრებს პირადად ხვდებიან, დათქმულ დროს უნდა იყვნენ ადგილზე. მინისეიფებისა თუ შესასვლელი კოდების გამოყენების შემთხვევაში საჭიროა სიფრთხილის ზომების მიღება (მაგალითად, კოდის შეცვლა ყოველი სტუმრობის შემდეგ).
• სუფთა საცხოვრებლები: საცხოვრებელში არაფერი უნდა უქმნიდეს საფრთხეს ჯანმრთელობას (მაგალითად, ობი, მავნებლები, პარაზიტები და ა.შ.). ის უნდა შეესაბამებოდეს სისუფთავის მაღალ სტანდარტებს, სტუმრობებს შორის კი დასუფთავდეს.
• უსაფრთხო სტუმრობები: მასპინძლებმა უნდა იზრუნონ, რომ საცხოვრებელში საფრთხე არავის შეექმნას (მაგალითად, დაბლოკილი საევაკუაციო გასასვლელების, ელექტროტრავმების რისკის, ვირთხების საწამლავისა და სხვა ფაქტორების გამო). საცხოვრებელში მუდმივად არსებული საფრთხეები (მაგალითად, მაღალი სიმაღლეები, წყალსატევები და ა.შ.) აღნიშნული უნდა იყოს მის აღწერილობაში. ამას გარდა, მასპინძლებმა უნდა დაიცვან ყველა მოქმედი კანონი და რეგულაცია (მაგალითად, საცხოვრებელი შესაბამისობაში უნდა იყოს ხანძარსაწინააღმდეგო ნორმებთან). შეიტყვეთ ვრცლად განცხადებებში უსაფრთხოების შესახებ ინფორმაციის მითითების შესახებ.
• უფლებამოსილება: Airbnb‑ზე რეგისტრირებულ მასპინძლებს უნდა ჰქონდეთ მასპინძლობის უფლება და ისინი უნდა იცავდნენ მოქმედ კანონებს. დაუშვებელია მესამე მხარის მეშვეობით სასტუმროს დაჯავშნა (ასევე, მესამე მხარის მიერ შემოთავაზებული საცხოვრებლის დაჯავშნა) და Airbnb‑ზე მის შესახებ განცხადების გამოქვეყნება უფრო მაღალი ფასის მითითებით. ამ ტიპის საცხოვრებლების Airbnb‑ზე განთავსების შესახებ გადაწყვეტილების მიღებისას მასპინძლები უნდა ხელმძღვანელობდნენ ტაიმშერებისა თუ სხვა მსგავსი საცხოვრებლებისთვის მოქმედი წესებით.
• ცხოველთა კეთილდღეობა: განცხადებები იმ საცხოვრებლებისა და შთაბეჭდილებების შესახებ, რომლებიც დაკავშირებულია ცხოველთა ექსპლუატაციასთან (მაგალითად, გზისპირა სამხეცეების, ნადავლზე ნადირობისა და სხვა მსგავს შემთხვევებში), Airbnb‑ზე ვერ გამოქვეყნდება. მასპინძლებმა უნდა დაიცვან Airbnb‑ს მითითებები ცხოველების კეთილდღეობასთან დაკავშირებით. შეიტყვეთ ვრცლად მასპინძლებისთვის მოქმედი ძირითადი წესების შესახებ.

გაეცანით მასპინძლებისთვის მოქმედ ძირითად წესებს.

ჩვენ მზად ვართ თქვენ დასახმარებლად

ჩვენი წესების დარღვევის შემჩნევის შემთხვევაში შეგვატყობინეთ.