სამოგზაურო დაზღვევისა და დახმარების მომსახურებების შესახებ
გაუთვალისწინებელი შემთხვევებისა და სტუმრობის შეფერხებისგან არავინაა დაზღვეული. სწორედ ამიტომ, Airbnb გთავაზობთ სამოგზაურო დაზღვევასა და დახმარების მომსახურებებს.
აშშ‑სა და კანადის ზოგიერთ პროვინციაში/ტერიტორიაზე მცხოვრებლებს ჯავშნის გაფორმებისას შეუძლიათ მისი დაზღვევა გარკვეული რისკებისგან. დაზღვევით გათვალისწინებულ შემთხვევებში შესაძლებელი იქნება იმ თანხის ანაზღაურების მოთხოვნა, რომელიც არ დაუბრუნდათ მათ Airbnb‑ს მეშვეობით გაფორმებული ჯავშნის გაუქმების შემდეგ.
ამგვარად, სტუმრებს უფრო ნაკლები ალბათობით დასჭირდებათ მასპინძლებთან დაკავშირება და მათ მიერ დადგენილი გაუქმების წესებიდან გამონაკლისის დაშვების თხოვნა თანხის დასაბრუნებლად.
სტუმრობის დაცვის გეგმის შეძენა
სამოგზაურო დაზღვევა და დახმარების მომსახურებები ხელმისაწვდომია მათთვის, ვინც ცხოვრობს აშშ‑სა და კანადაში (კვებეკისა და ნუნავუტის გარდა).
ამ და სხვა მონაწილე ქვეყნების მცხოვრებლებს სტუმრობის დაცვის გეგმის Airbnb‑ს მეშვეობით შეძენა შეუძლიათ ჯავშნის დადასტურებამდე და მისი ღირებულების გადახდამდე. აშშ‑ის შემთხვევაში, სტუმრობის დაცვის გეგმის დამატება შესაძლებელია ჯავშნის გაფორმების შემდეგაც. შეძენამდე შესაძლებელია დეტალური ინფორმაციის მიღება იმის შესახებ, თუ ზოგადად რას ფარავს და რას არ ფარავს დაცვის გეგმა.
სტუმრობის დაცვის გეგმისთვის სტუმრობის მსურველი იხდის ჯავშნის ჯამური ღირებულების გარკვეულ პროცენტს. დაცვის გეგმა მოიცავს დახმარების მომსახურებებს (მაგალითად, ექიმებთან მიმართვებს, სამოგზაურო მხარდაჭერასა და პერსონალური მონაცემების მითვისების შემთხვევების გამოძიებას).
სტუმრობის დაცვის გეგმის შეძენის შემდეგ სტუმრები მიიღებენ დამადასტურებელ ელწერილს დეტალური ინფორმაციით გეგმისა და ანაზღაურების მოთხოვნის წესის შესახებ.
სტუმრის მდებარეობის მიხედვით, დაცვის გეგმას გასცემს Generali US Branch ან Europ Assistance S.A. Canada Branch, ერთ‑ერთი მოწინავე საერთაშორისო სადაზღვევო კომპანიის, Assicurazioni Generali S.p.A.‑ს, შვილობილი კომპანია.
სამოგზაურო დაზღვევის დაფარვა
სამოგზაურო დაზღვევა წარმოადგენს დამატებით დაცვას და მოიცავს ჯავშნის გაუქმების შემდეგ დაუბრუნებელი თანხის 100%‑მდე ანაზღაურებას, თუ სტუმრობა შეფერხდება რთული მეტეოროლოგიური პირობების, მძიმე ავადმყოფობის ან სადაზღვევო დაფარვით გათვალისწინებული სხვა კონკრეტული შემთხვევების გამო.
მაგალითად, თუ მასპინძლის მიერ დადგენილი გაუქმების წესები სტუმრისთვის ჯავშნის ღირებულების მხოლოდ 50%‑ის დაბრუნებას ითვალისწინებს, სამოგზაურო დაზღვევის მეშვეობით შესაძლებელი იქნება დარჩენილი 50%‑ის ნაწილობრივ ან სრულად დაბრუნება, თუ ჯავშანი გაუქმდა სადაზღვევო დაფარვით გათვალისწინებული მიზეზით. სადაზღვევო კომპანია არ მიმართავს მასპინძელს სტუმრის მიერ მოთხოვნილი თანხის ასანაზღაურებლად.
სადაზღვევო დაფარვა და პირობები განსხვავდება მდებარეობის მიხედვით. დეტალური ინფორმაცია ხელმისაწვდომია დახმარების ცენტრში:
სამოგზაურო დაზღვევა და დახმარების მომსახურებები განსხვავდება „AirCover‑ისგან სტუმრებისთვის“, რომელიც მოჰყვება თითოეულ ჯავშანს. AirCover იცავს სტუმრებს გაუთვალისწინებელი პრობლემებისგან, მაგალითად, თუ საცხოვრებელი განცხადებაში აღწერილისგან განსხვავებული აღმოჩნდება, ან ისინი ვერ შეძლებენ დაბინავებას.
აშშ‑ის რეზიდენტებისთვის: სტუმრობის დაცვის გეგმა შემოთავაზებულია Airbnb Insurance Agency LLC‑ის მიერ (იურიდიული მისამართი: 222 Broadway, Floor 26, New York, N.Y. 10038; ლიცენზიის ნომერი კალიფორნიაში: 6001912), რომელიც ლიცენზირებული სადაზღვევო სააგენტოა აშშ‑ის ყველა შტატსა და კოლუმბიის ოლქში, ხოლო სადაზღვევო დაფარვებს უზრუნველყოფს Generali US Branch (NAIC №11231) ნიუ‑იორკში, ნიუ‑იორკის შტატი. სადაზღვევო დაფარვები და დახმარების მომსახურებები აღწერილია ზოგადად და ექვემდებარება გარკვეულ პირობებსა თუ გამონაკლისებს.
კანადის რეზიდენტებისთვის (კვებეკისა და ნუნავუტის გარდა): სამოგზაურო დაზღვევა შემოთავაზებულია Airbnb Canada Insurance Services Inc.‑ის მიერ, ხოლო მას უზრუნველყოფს Europ Assistance S.A. Canada Branch. Airbnb Canada Insurance Services Inc. არის ლიცენზირებული სადაზღვევო სააგენტო, რომლის იურიდიული მისამართია 1600-925 West Georgia Street, Vancouver, BC V6C 3L2, Canada. სამოგზაურო დაზღვევით გათვალისწინებული სარგებელი და მომსახურებები ექვემდებარება გარკვეულ წესებს, პირობებსა და გამონაკლისებს.
სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.