ამჟამად ყველაზე პოპულარული დანიშნულების ადგილები Airbnb‑ს მონაცემებით

ჩვენი პროგნოზის მიხედვით, Airbnb‑ზე განთავსებულ საცხოვრებლებში წელს 300 მილიონზე მეტი დაბინავება იგეგმება საერთაშორისო მასშტაბით. ამასთან, შესაძლოა, გაგაოცოთ მიმართულებებმა, რომლებსაც წლის პირველ სამ თვეში ირჩევდნენ ივნისში, ივლისსა და აგვისტოში სტუმრობისთვის. ამ სტატიაში გაგაცნობთ იმ პოპულარულ მიმართულებს, სადაც საცხოვრებელს საგრძნობლად მეტი ადამიანი ეძებდა გასულ წელთან შედარებით.

პოპულარული საერთაშორისო მიმართულებები ოთხ კონტინენტს მოიცავს. მათი სია შემდეგნაირად გამოიყურება:

1. კუტა‑უტარა, ბალი

2. ქსამილი, ალბანეთი

3. ბარსელონა, ესპანეთი

4. ლონდონი, ინგლისი

5. გოტლანდი, შვედეთი

6. ლუისვილი, კენტუკი, აშშ

7. რომი, იტალია

8. რუანი, საფრანგეთი

9. მარაქეში, მაროკო

10. გრინდელვალდი, შვეიცარია

აშშ‑ში მცხოვრები სტუმრები ადგილობრივი მოგზაურობისთვის ყველაზე ხშირად ირჩევენ ადგილებს, სადაც მათ მზე და პლაჟები დახვდებათ, თუმცა სიაში რამდენიმე განსხვავებული ვარიანტიც მოხვდა. აშშ‑ის ფარგლებში პოპულარული მიმართულებებია:

1. ლუისვილი, კენტუკი

2. ლაკონია, ნიუ‑ჰემფშირი

3. ლექსინგტონი, კენტუკი

4. პიტსბურგი, პენსილვანია

5. პანამა‑სიტი, ფლორიდა

6. მილუოკი, უისკონსინი

7. სერფ‑სიტი, ნიუ‑ჯერსი

8. ბოლივარ‑პენინსულა, ტეხასი

9. კანზას‑სიტი, მისური

10. ნორთ‑ტოპსეილ‑ბიჩი, ჩრდილოეთი კაროლინა

აშშ‑ში მცხოვრები სტუმრები საზღვრებსაც სცდებიან. მათი რჩეული მიმართულებები იყო:

1. მიკონოსი, საბერძნეთი

2. ნიაგარა‑ფოლსი, კანადა

3. ინტერლაკენი, შვეიცარია

4. ამალფი, იტალია

5. ფლორენცია, იტალია

6. ბანგკოკი, ტაილანდი

7. სორენტო, იტალია

8. ტორონტო, კანადა

9. რიო‑დე‑ჟანეირო, ბრაზილია

10. ბანფი, კანადა

ხუთი მიმართულება, სადაც 2022 წლის 1 აპრილიდან 2023 წლის 31 მარტამდე პერიოდში დაფიქსირდა ცალკე ოთახებზე მოთხოვნის ყველაზე დიდი ზრდა (წინა წლის ანალოგიურ პერიოდთან შედარებით):

1. მაპოგუ, სეული, კორეა

2. მელბურნი, ავსტრალია

3. ვარშავა, პოლონეთი

4. სიდნეი, ავსტრალია

5. ფლორენცია, იტალია

თუ აღნიშნული ადგილებიდან რომელიმეში მასპინძლობთ, ჩვენ მოგიმზადეთ რამდენიმე რჩევა, სეზონისთვის სათანადოდ რომ მოემზადოთ. აღნიშნული რჩევები გამოგადგებათ იმ შემთხვევაშიც, თუ საცხოვრებელი სხვაგან გაქვთ განთავსებული.

მაგალითად, თუ საცხოვრებელში არის საცურაო აუზი, გირჩევთ, აირჩიოთ მისი ერთ‑ერთი შესანიშნავი კადრი და ის განცხადებაში გარეკანის ფოტოდ დააყენოთ. თუ საცხოვრებელი სალაშქრო ბილიკებთანაა ახლოს, აღნიშნეთ ეს განცხადების სათაურში ან საცხოვრებლის აღწერილობაში.

2022 წლის მაისიდან 2023 წლის მარტამდე პერიოდში Airbnb‑ს მეშვეობით ყველაზე ხშირად იჯავშნებოდა საცხოვრებლები, რომლებიც თავმოყრილი იყო შემდეგ კატეგორიებში: „პლაჟთან“, „შესანიშნავი აუზით“, „პოპულარული“, „საკულტო ქალაქში“ და „ეროვნულ პარკთან“. აქედან შეგვიძლია დავასკვნათ, რომ სტუმრობის მსურველებისთვის პრიორიტეტულია ადგილები, სადაც არის ბევრი მზე, სანახაობები და სალაშქრო ბილიკები. იმ შემთხვევაშიც კი, თუ თქვენ მიერ განთავსებული ვარიანტი აღნიშნულ სიებს არ ერგება, თავისუფლად შეგიძლიათ იხელმძღვანელოთ ცნობებით ჯავშნების გაფორმების კუთხით არსებული ტენდენციების შესახებ, რომ სათანადო ინფორმაციით შეავსოთ განცხადება და მეტი ყურადღება მიიქციოთ.

თქვენს მდებარეობას არსებითი მნიშვნელობა არ აქვს, რადგან თქვენთან სტუმრობით ადამიანები იღებენ იმას, რასაც Airbnb‑ს გარდა ვერსად იპოვიან. კერძოდ, ბოლო დროს საერთაშორისო მასშტაბით ჩატარებული გამოკითხვის დროს, რომელშიც 19 000‑მა სტუმარმა და მასპინძელმა მიიღო მონაწილეობა, 60%‑ზე მეტმა აღნიშნა, რომ, მათი აზრით, Airbnb‑თი სარგებლობისას ისინი მეტად შეიგრძნობენ ადგილობრივ კულტურას, ვიდრე სასტუმროში ან კურორტზე გაჩერების შემთხვევაში.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.