სტუმრებისთვის დამოუკიდებელი დაბინავების შესაძლებლობის მიცემა

დამოუკიდებელი დაბინავება 10 ყველაზე მოთხოვნად საყოფაცხოვრებო პირობას შორისაა Airbnb‑ზე. ეს კი ნიშნავს, რომ სტუმრობის მსურველები ხშირად ფილტრავენ ძიების შედეგებს იმ ვარიანტების საპოვნელად, რომლებიც მათ აღნიშნულ შესაძლებლობას სთავაზობს.* დამოუკიდებელი დაბინავების მეთოდის (მაგალითად, გონიერი საკეტის) დამატება დაგეხმარებათ, მეტი ყურადღება მიიპყროთ თქვენი განცხადებისადმი.

სტუმრებისთვის საცხოვრებელში მოხვედრის გამარტივება დროსაც დაგაზოგვინებთ, სტუმრები კი უფრო მარტივად შეძლებენ დაბინავებას, რამაც, შესაძლოა, უკეთესი მიმოხილვების მიღებაში შეგიწყოთ ხელი.

დამოუკიდებელი დაბინავების ყველაზე პოპულარული მეთოდებია გონიერი საკეტი, ღილაკებიანი პანელი და მინისეიფი. რომელი მეთოდიც არ უნდა აირჩიოთ, გახსოვდეთ, რომ თითოეული სტუმრობისთვის მზად გქონდეთ წვდომის უნიკალური კოდი.

საცხოვრებელში გონიერი საკეტის, ღილაკებიანი პანელის ან მინისეიფის დამონტაჟების შემდეგ არ დაგავიწყდეთ, განცხადებაშიც შეიტანოთ შესაბამისი ცვლილებები. დაბინავების მეთოდის დამატება ან ჩასწორება დაბინავების გზამკვლევიდან შეგიძლიათ.

აუხსენით სტუმრებს, როგორ მოხვდნენ საცხოვრებელში. თქვენს მითითებებს ისინი ავტომატურად მიიღებენ დაბინავებამდე 24‑დან 48 საათამდე შუალედში.

განმარტეთ, სად მდებარეობს გონიერი საკეტი, ღილაკებიანი პანელი ან მინისეიფი და როგორ იღება/იკეტება ის. მეტი სიცხადისთვის ფოტოების დართვაც შეგიძლიათ.

დაიხმარეთ შეტყობინებათა მოკლე შაბლონები, რომ დაბინავებასთან დაკავშირებით ხშირად დასმულ შეკითხვებზე პასუხის გაცემისას დრო დაზოგოთ. მაგალითად, შეგიძლიათ მოამზადოთ შაბლონური პასუხი საცხოვრებლამდე მისასვლელ გზასთან ან პარკირების ვარიანტებთან დაკავშირებით.

მზა პასუხების მარტივად ჩასწორებასა და გაგზავნას ნებისმიერ დროს შეძლებთ სტუმრებთან მიმოწერის დროს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.

*ეფუძნება Airbnb‑ს მონაცემებს 2024 წლის 1 იანვრიდან 30 ივნისამდე პერიოდში საერთაშორისო მასშტაბით ყველაზე ხშირად მოძიებული საყოფაცხოვრებო პირობების შესახებ.