სტუმრებისთვის საჭირო საყოფაცხოვრებო პირობები

Airbnb‑ზე ძიებისას სტუმრობის მსურველები ხშირად იყენებენ სხვადასხვა ფილტრს, კონკრეტული საყოფაცხოვრებო პირობებისა თუ ნივთების მქონე ვარიანტები რომ იპოვონ. თქვენი განცხადება სტუმრობის მაქსიმალურად მეტ მსურველს რომ ხვდებოდეს, მიუთითეთ მასში ყველაფერი, რასაც სთავაზობთ.

სტუმრობის მსურველთა შორის ყველაზე პოპულარული საყოფაცხოვრებო პირობებია:*

1. აუზი

2. Wi‑Fi კავშირი

3. სამზარეულო

4. უფასო საპარკინგე ადგილი

5. ჰიდრომასაჟის აუზი

6. კონდიციონერი ან გათბობა

7. სარეცხი მანქანა ან საშრობი

8. დამოუკიდებლად დაბინავების შესაძლებლობა

9. სატელევიზიო ან საკაბელო მაუწყებლობა

10. ბუხარი

საყოფაცხოვრებო პირობების მითითება მარტივად არის შესაძლებელი „განცხადებების“ ჩანართიდან, რომელიც ხელმისაწვდომია მასპინძლის რეჟიმში. ამისთვის, უბრალოდ, გადადით სექციაზე შეთავაზებული საცხოვრებელი, შემდეგ საყოფაცხოვრებო პირობებზე და ბოლოს შეეხებით აირჩიეთ პლუსის ნიშანი. შეეხეთ დამატებას იმ საყოფაცხოვრებო პირობის გვერდით, რომელიც არის საცხოვრებელში. ამას გარდა, შეგიძლიათ ფოტოტურის შექმნა და სხვადასხვა დეტალური ცნობის მითითება ოთახების მიხედვით, მათ შორის, საყოფაცხოვრებო/საძილე პირობებთან და პირად სივრცესთან დაკავშირებით.

სტუმრები მოელიან, რომ საცხოვრებელში კომფორტული სტუმრობისთვის დახვდებათ:

• ტუალეტის ქაღალდი

• ხელის/ტანის საპონი

• თითო პირსახოცი ყოველი სტუმრისთვის

• თითო ბალიში ყოველი სტუმრისთვის

• თეთრეულის თითო კომპლექტი ყოველი საწოლისთვის

ხალხმრავალი ან გრძელვადიანი სტუმრობების შემთხვევაში შეეცადეთ, ზემოაღნიშნულის სათანადო მარაგი იქონიოთ. ამას გარდა, შეგიძლიათ უშუალოდ სტუმრებსაც მისწეროთ და ჰკითხოთ, კონკრეტულად რა სჭირდებათ.

სიფრთხილის ელემენტარულ ზომებსაც კი შეუძლია საფრთხის რისკის შემცირება სტუმრებისთვის.

მასპინძლებს ვურჩევთ, აუცილებლად დაამონტაჟონ კვამლისა და მხუთავი აირის დეტექტორები სივრცეებში, რომლებშიც საწვავზე მომუშავე ტექნიკა გამოიყენება. ამას გარდა, რეკომენდებულია ცეცხლმაქრისა და პირველადი სამედიცინო დახმარების ნაკრების ქონაც.

ვრცლად საცხოვრებლის მომზადების შესახებ

ადაპტირებული პირობების საჭიროების მქონე სტუმრები ხშირად ეძებენ, მაგალითად, უსაფეხურო შესასვლელს, ხელის მოსაჭიდ ფიქსირებულ მილებს უნიტაზთან, ადაპტირებულ საპარკინგე ადგილსა და ა.შ. მსგავსი ინფორმაციის განცხადებაში მითითებით ისინი უფრო მარტივად მიხვდებიან, რამდენად შესაფერისია მათთვის საცხოვრებელი, რომელსაც მათ სთავაზობთ.

ადაპტირებულ პირობებთან დაკავშირებული მითითებების გაცნობა

მათ, ვისაც სტუმრობისას დისტანციურად მუშაობა უწევს, საგრძნობლად ეხმარება:

• სწრაფი და საიმედო Wi‑Fi კავშირი
• გამოყოფილი სამუშაო სივრცე
• ერგონომიული აქსესუარები, მაგალითად, ლეპტოპის სადგამი
• კარგი განათება
• საოფისე ნივთები (მათ შორის, კალმები, ფურცლები და უნივერსალური დამტენი)

ვრცლად დისტანციური მუშაობის ხელშეწყობის შესახებ

ბავშვებთან ან შინაურ ცხოველებთან ერთად სტუმრობის მსურველთა მასპინძლობისთვის სათანადოდ მომზადებული რომ იყოთ, გირჩევთ, იქონიოთ:

• სკამ‑მაგიდა
• ჩვილის პორტატიული საწოლი
• საბავშვო დამცავი ღობეები
• ავეჯის გადასაფარებლები
• შინაური ცხოველების წყლისა და საკვების თასები
• პირსახოცები კარებთან თათების გასაწმენდად
• დამატებითი საწმენდი საშუალებები

თუ რაიმე ცვლილებას შეიტანთ, აუცილებლად ჩაასწორეთ განცხადებაც. კერძოდ, საყოფაცხოვრებო პირობების ჩამონათვალი, ასევე, საცხოვრებლის აღწერილობა და ფოტოები. სულ რამდენიმე ნივთის დამატებაც კი საკმარისია იმისთვის, რომ სტუმრებმა თავი უფრო კომფორტულად იგრძნონ და მეტი ალბათობით დაგიტოვონ შესანიშნავი მიმოხილვა.