მოსამარაგებელი საწმენდი საშუალებები
ყველაზე მნიშვნელოვანი
დასუფთავების დაწყებამდე შეამოწმეთ, რომ ყველა საჭირო საშუალება გაქვთ
მოიმარაგეთ დამცავი, საწმენდი და ქიმიური საშუალებები (და სტუმრებსაც დაახვედრეთ ისინი)
დასრულების შემდეგ შეავსეთ მარაგი მომდევნო დასუფთავებისთვის
- დაიხმარეთ ჩვენი სრული გზამკვლევი განსაკუთრებული დასუფთავების პროცედურის გასაცნობად
მზად ხართ, დახვეწოთ დასუფთავების პროცედურა? Airbnb‑ს მიერ შემუშავებული განსაკუთრებული დასუფთავების 5‑ეტაპიანი პროცედურის ფარგლებში, დასუფთავების სახელმძღვანელოს საფუძველზე, ჩვენ მოგიმზადეთ სხვადასხვა რეკომენდებული საწმენდი, სადეზინფექციო და დამცავი საშუალების სია. მოიმარაგეთ ისინი, რომ დასუფთავებისას უფრო ეფექტური შედეგები მიიღოთ.
დამცავი საშუალებები
დასუფთავებისას მიკრობებისა და ქიმიკატების ზემოქმედება მინიმუმამდე რომ დაიყვანოთ, გამოიყენეთ შემდეგი აღჭურვილობა:
- ერთჯერადი ხელთათმანები (რეკომენდებულია)
- ნიღაბი ან პირბადე (რეკომენდებულია)
- დამცავი სათვალე (სააბაზანოს დასასუფთავებლად, არასავალდებულოა)
- წინსაფარი ან ხალათი (არასავალდებულოა)
- ბახილები (არასავალდებულოა)
- სახის დამცავი ფარი (არასავალდებულოა)
აღჭურვილობა
სწორად შერჩეული საშუალებები დასუფთავების პროცედურის ხარისხიანად ჩატარებაში დაგეხმარებათ. ამისთვის დაგჭირდებათ:
- ცოცხი და აქანდაზი
- სათლი (საჭიროებისამებრ)
- მტვრის საწმენდი ფაფუკი ჯოხი
- ნაგვის პარკები
- მიკროფიბრის ტილოები
- შვაბრა
- ქაღალდის ხელსახოცები
- უხეში ჯაგრისი
- აბრაზიული ღრუბლები (მხოლოდ სამზარეულოსთვის)
- საფეხურიანი კიბე (საჭიროებისამებრ)
- უნიტაზის ჯაგრისი
- მტვერსასრუტი
- მტვერსასრუტის ტომრები (საჭიროებისამებრ)
- ჭურჭლის სარეცხი მანქანა
- სარეცხი მანქანა და საშრობი
საწმენდი და სადეზინფექციო საშუალებები
გირჩევთ, გამოიყენოთ მხოლოდ ის სადეზინფექციო და ანტისეპტიკური საშუალებები, რომლებიც რეგისტრირებულია სახელმწიფო ორგანოების (მაგალითად, აშშ‑ის გარემოს დაცვის სააგენტოს ან ევროპის ქიმიკატების სააგენტოს) მიერ. მოიმარაგეთ:
- საწმენდი საშუალება ყველა ტიპის ზედაპირისთვის
- სადეზინფექციო საშუალება ყველა ტიპის ზედაპირისთვის
- შუშის საწმენდი საშუალება
- მათეთრებელი
- სარეცხი საშუალება
- ქსოვილიდან ლაქების ამომყვანი საშუალება
- ჭურჭლის სარეცხი საშუალება
- ხალიჩის საწმენდი საშუალება (საჭიროებისამებრ)
- იატაკის საწმენდი საშუალება
- ავეჯისა და ხის ზედაპირების საპრიალებელი
- ჰაერღუმლის საწმენდი საშუალება (მხოლოდ სამზარეულოსთვის)
- ჰაერღუმელიდან ცხიმის მოსაშორებელი საშუალება (მხოლოდ სამზარეულოში)
- ობის მოსაშორებელი საშუალება (საჭიროებისამებრ)
სადეზინფექციო საშუალებებით სანიტარიული დამუშავებისას გასათვალისწინებელი
სავარაუდოდ, გაინტერესებთ, რამდენად ეფექტურია თქვენ მიერ გამოყენებული საშუალებები ბაქტერიებისა და ვირუსების მსგავსი მიკრობების წინააღმდეგ. გაეცანით ძირითად მითითებებს:
- აუცილებლად გამოიყენეთ დამტკიცებული სადეზინფექციო საშუალებები. შეამოწმეთ შესაბამისი სახელმწიფო ორგანოების (როგორიცაა აშშ‑ის გარემოს დაცვის სააგენტოს ან ევროპის ქიმიკატების სააგენტოს) მიერ დამტკიცებული საწმენდი და სადეზინფექციო საშუალებების სიები. მაგალითად, აშშ‑ის გარემოს დაცვის სააგენტოს მიერ რეკომენდებულ საშუალებებს შორისაა Clorox‑ის ხელსახოცები, Lysol‑ის აეროზოლები და სხვა პოპულარული სადეზინფექციო საშუალებები.
- აცადეთ სადეზინფექციო საშუალებას თავისით გაშრობა. თუ სადეზინფექციო საშუალებას ზედაპირს მითითებულ დროზე ადრე მოაშორებთ, არ არსებობს გარანტია, რომ ქიმიური საშუალება შეძლებს პათოგენური ორგანიზმების განადგურებას, როგორც მითითებულია ეტიკეტზე.
- სადეზინფექციო ხელსახოცების გამოყენება დასაშვებია. საწმენდი სითხე ზედაპირზე საკმარისი დროის განმავლობაში უნდა დატოვოთ. კონკრეტული დრო დამოკიდებულია ამა თუ იმ საშუალებაზე, ამიტომ გაეცანით ეტიკეტზე მითითებულ ინფორმაციას.
- არ გამოიყენოთ არაღიარებული სადეზინფექციო საშუალებები. მართალია, ძმრითა და ეთერზეთებით ზედაპირების ეფექტურად გაწმენდა შესაძლებელია, თუმცა მათი სადეზინფექციო თვისებები ჯერ ოფიციალურად აღიარებული არ არის.
- ნუ შეურევთ ერთმანეთს საწმენდ საშუალებებს. ზოგიერთი საშუალების (მაგალითად, მათეთრებლისა და ამიაკის) შეერთებით სახიფათო ტოქსიკური აირები წარმოიქმნება.
საწმენდი საშუალებები სტუმრებისთვის
სტუმრებისგან შევიტყვეთ, რომ საცხოვრებლის დამოუკიდებლად დასუფთავება სურთ სტუმრობისას. დაახვედრეთ მათ საჭირო საშუალებები, ხოლო თუკი ოჯახებს მასპინძლობთ, შეინახეთ საწმენდი საშუალებები ბავშვებისთვის მიუწვდომელ ადგილას. ყველაზე მეტად სტუმრებს სჭირდებათ:
- ქაღალდის ერთჯერადი ხელსახოცები
- საწმენდი საშუალება ყველა ტიპის ზედაპირისთვის
- სადეზინფექციო ხელსახოცები ან აეროზოლი
- ხელის ანტისეპტიკური საშუალება
- ხელის საპნის მარაგი
ექსპერტების რეკომენდაციები უსაფრთხოებასთან დაკავშირებით
- არ შეხვიდეთ სივრცეებში რეკომენდებული დამცავი საშუალებების გარეშე და არ გამოიყენოთ ისინი ხელმეორედ
- აუცილებლად გაეცანით ქიმიური საწმენდი საშუალებების უსაფრთხოდ გამოყენების წესებს ეტიკეტებზე
- შეინახეთ ქიმიური საწმენდი საშუალებები ბავშვებისთვის მიუწვდომელ ადგილას
- მიკრობების გავრცელების პრევენციის მიზნით, დასუფთავებისას არ შეეხოთ სახეს
დასუფთავების დასრულების შემდეგ აუცილებლად შეამოწმეთ, რომელი საშუალებების მარაგი ან მოქმედების ვადა იწურება, რომ მომდევნო დასუფთავებამდე შესაბამისი ზომები მიიღოთ.
სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ. განსაკუთრებული დასუფთავების 5‑ეტაპიანი პროცედურა შედგება მარტივი მოთხოვნებისგან. დამატებითი ინფორმაციისთვის სრულად გაეცანით Airbnb‑ს დასუფთავების სახელმძღვანელოს. როგორც მასპინძელს, საკუთარი თავის, გუნდის წევრებისა და სტუმრების დასაცავად, შესაძლოა, დაგჭირდეთ დამატებითი ზომების მიღება. ყოველთვის ადგილობრივი კანონმდებლობის და ოფიციალური მითითებების შესაბამისად იმოქმედეთ. Airbnb პასუხს არ აგებს დასუფთავების ამ პროცედურების შედეგად მიღებულ ტრავმებსა თუ დაავადებებზე. თქვენს რეგიონში დასუფთავებასთან დაკავშირებული რჩევებისა და მითითებების შესახებ ინფორმაციისთვის ჩაინიშნეთ დახმარების ცენტრის ეს სტატია.
ყველაზე მნიშვნელოვანი
დასუფთავების დაწყებამდე შეამოწმეთ, რომ ყველა საჭირო საშუალება გაქვთ
მოიმარაგეთ დამცავი, საწმენდი და ქიმიური საშუალებები (და სტუმრებსაც დაახვედრეთ ისინი)
დასრულების შემდეგ შეავსეთ მარაგი მომდევნო დასუფთავებისთვის
- დაიხმარეთ ჩვენი სრული გზამკვლევი განსაკუთრებული დასუფთავების პროცედურის გასაცნობად