განცხადების ხელახლა ამოქმედება

განცხადების მოქმედების შეწყვეტა ზოგჯერ საჭიროა რემონტის, ტექნიკური პრობლემების, საქმიანობის დროებით შეჩერების ან სხვა მიზეზთა გამო. როცა მასპინძლობისთვის კვლავ მზად იქნებით, განცხადების ხელახლა ამოქმედება მარტივია.

შეამოწმეთ განცხადებაში მითითებული ინფორმაციის სიზუსტე. თუ თქვენი განცხადების მოქმედება ხარისხთან დაკავშირებული პრობლემის გამო შეწყდა, მის ხელახლა ამოქმედებამდე მოაგვარეთ პრობლემა და საჭიროებისამებრ შეიტანეთ ცვლილებები განცხადებაში.

განსაკუთრებული ყურადღება მიაქციეთ ქვემოთ ჩამოთვლილ ფაქტორებს.

• ფასები: შეადარეთ თქვენ მიერ ერთ ღამეზე დაწესებული ფასი ახლომახლო სხვა მსგავსი საცხოვრებლების საშუალო ფასებს, რომ გაარკვიოთ, შეესაბამება თუ არა ის მიმდინარე ტენდენციებს ბაზარზე და საჭირო ხომ არ არის მისი ჩასწორება.
• დასაჯავშნად ხელმისაწვდომობა: რეგულარულად განაახლეთ თქვენი კალენდარი, რომ თავიდან აიცილოთ ჯავშნების გაუქმების შემთხვევები.
• ფოტოები: გადაიღეთ ახალი, მაღალხარისხიანი ფოტოები, რომლებიც საცხოვრებლის ამჟამინდელ მდგომარეობას ასახავს.
• საყოფაცხოვრებო პირობები: მიუთითეთ ინფორმაცია ყველა ახალი საყოფაცხოვრებო პირობის შესახებ, ან დაფიქრდით სტუმრების მიერ მოთხოვნილი საყოფაცხოვრებო პირობების დამატებაზე.
• განცხადების სათაური: შეადგინეთ მოკლე, მარტივად გასაგები სათაური, რომ თქვენ მიერ განთავსებული საცხოვრებელი ყურადღებას იქცევდეს ძიების შედეგებში.
• საცხოვრებლის აღწერილობა: მკაფიოდ და ზუსტად მიუთითეთ ყველა ცნობა, სტუმრობის მსურველებს სათანადო მოლოდინი რომ შეუქმნათ.
• შესვლა და გასვლა: შეამოწმეთ, რომ მითითებები საცხოვრებელში შესვლასთან და საცხოვრებლიდან გასვლასთან დაკავშირებით კვლავ სწორია.
• საცხოვრებლიდან გასვლისას შესასრულებელი ამოცანები: შეამოწმეთ ამოცანები, რომლებიც სტუმრებმა საცხოვრებლიდან გასვლისას უნდა შეასრულონ, მაგალითად, გამორთონ შუქი ან ჩაკეტონ კარი.

განცხადების ხელახლა ამოქმედების პროცესი მარტივია. ამისთვის:

1. გადადით განცხადებებზე და აირჩიეთ განცხადება, რომლის ხელახლა ამოქმედებაც გსურთ.
2. სექციიდან ძირითადი ინფორმაცია საცხოვრებლის შესახებ გადადით განცხადების სტატუსზე.
3. შეცვალეთ განცხადების სტატუსი და მიუთითეთ განთავსებული.
4. შეხებით ან დაწკაპუნებით აირჩიეთ შენახვა.

სტატუსად განთავსებულის მითითების შემდეგ განცხადება სტუმრობის მსურველთა ძიების შედეგებში 24 საათის განმავლობაში მოხვდება, თუმცა ზოგჯერ ამას, შესაძლოა, 72 საათამდე დასჭირდეს.

თუ API‑ს მეშვეობით დაკავშირებულ პროგრამულ უზრუნველყოფას იყენებთ, ამ ფუნქციებით სარგებლობას თქვენთვის ჩვეული ინტერფეისიდანვე შეძლებთ (თუ პროგრამული უზრუნველყოფის მომწოდებელს ისინი ინტეგრირებული აქვს). თუ ფუნქციები ჯერ არ არის ინტეგრირებული, მიმართეთ პროგრამული უზრუნველყოფის მომწოდებელს და შეიტყვეთ, როდის იგეგმება ეს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.