ახალი აღნიშვნა მოწინავე საცხოვრებლების გამოსარჩევად

დაჯავშნისას სტუმრები ნდობას უცხადებენ მასპინძლებს. მნიშვნელოვანია, რომ ჯავშნების გაფორმებამდე მათ ზუსტად იცოდნენ, რას ელოდონ.

სტუმრობის მსურველთათვის შესანიშნავი საცხოვრებლის პოვნის ერთ-ერთი საშუალებაა აღნიშვნა „სტუმართა რჩეული“, რომელიც ენიჭება სტუმრების ყველაზე საყვარელ საცხოვრებლებს Airbnb‑ზე.

მაისიდან ახალი აღნიშვნა საუკეთესო განცხადებებს გამოარჩევს და სტუმრებს მათი საჭიროებების შესაბამისი საცხოვრებლის შერჩევას გაუმარტივებს.

ახალი აღნიშვნა ასახავს, როგორ შეედრება ესა თუ ის საცხოვრებელი დანარჩენებს შეფასებების, მიმოხილვებისა და საიმედოობის თვალსაზრისით. აღნიშვნის მიღება შესაძლებელი რომ გახდეს, საცხოვრებელი მინიმუმ ხუთჯერ უნდა იყოს მიმოხილული ბოლო ორი წლის განმავლობაში.

კრიტერიუმების შესაბამისი განცხადებების საუკეთესო 10%‑ს ენიჭება შემდეგი აღნიშვნები:

• ოქროს ტროფეი
• „სტუმართა რჩეულის“ ოქროსფერი ნიშანი
• წარწერა, რომელიც მიუთითებს, საცხოვრებელი პირველ 1, 5 თუ 10 პროცენტში შედის

პირველ 10%‑ში მოხვედრის ამსახველი აღნიშვნა ნაჩვენებია განცხადების გვერდზე, მიმოხილვების ზემოთ.

თუ საცხოვრებელი კრიტერიუმების შესაბამისი ვარიანტების ბოლო 10%‑შია, სტუმრობის მსურველებს ამის შესახებაც ვამცნობთ. ბოლო 10%‑ში მოხვედრის ამსახველი აღნიშვნა ნაჩვენებია მიმოხილვების ზემოთ.

აღნიშვნა რეგულარულად ახლდება ისეთი ფაქტორების გათვალისწინებით, როგორებიცაა:

• ვარსკვლავებით გამოსახული საერთო შეფასება და გამოხმაურება სტუმრების მიერ დატოვებულ მიმოხილვებში
• ქვეკატეგორიების შეფასებები დაბინავების, სისუფთავის, სიზუსტის, მასპინძელთან კომუნიკაციის, მდებარეობისა და ფასის ხარისხთან შესაბამისობის კუთხით
• მასპინძლის მხრიდან გაუქმების სიხშირე
• Airbnb-ს გაერთიანების მხარდაჭერის გუნდისთვის ხარისხთან დაკავშირებით შეტყობინებული პრობლემები

მომავალშიც გეცნობებათ, როდესაც სტუმარი შეაფასებს და მიმოიხილავს თქვენ მიერ შეთავაზებულ საცხოვრებელს, ან შეგვატყობინებს ხარისხთან დაკავშირებული პრობლემის შესახებ. სურვილისამებრ, კვლავ შეგეძლებათ შეგვატყობინოთ იმ მიმოხილვის შესახებ, რომელიც, თქვენი აზრით, ეწინააღმდეგება მიმოხილვის წესებს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.