საცხოვრებლისთვის საინტერესო სათაურის შერჩევა

სათაური საცხოვრებლის გამორჩეულობის ხაზგასმის შესანიშნავი ხერხია. სულ რამდენიმე სიტყვის კომბინაცია დაგჭირდებათ.

რადგან საძიებო მოთხოვნების 75% Airbnb‑ზე მობილური მოწყობილობებიდან იგზავნება, სათაურის სიგრძე არ უნდა აღემატებოდეს 32 სიმბოლოს (შორისების ჩათვლით). შეზღუდვა საჭიროა, რომ სათაური სმარტფონებისა და პლანშეტების ეკრანებზე მთლიანად გამოჩნდეს.

შეიტყვეთ, როგორ შეადგინოთ საინტერესო სათაური:

• აღწერეთ დეტალები ინფორმაციის გამეორების გარეშე. როგორც წესი, ზედმეტია სათაურისთვის იმ ინფორმაციის დართვა, რომელიც ისედაც მითითებულია ძიების შედეგებში (მაგალითად, ქალაქი ან საწოლების რაოდენობა). ამიტომ, სტუმრების დასაინტერესებლად, წარმოაჩინეთ საცხოვრებლის განსაკუთრებული მახასიათებლები. მაგალითად, ყველაზე პოპულარული საყოფაცხოვრებო პირობა ან სიახლოვე საინტერესო ადგილთან.
• მოერიდეთ ემოჯიებსა და სპეციალურ სიმბოლოებს. გამოიყენეთ მარტივი და შინაარსიანი სიტყვები (მაგ.: „მყუდრო“, „მომხიბლავი“, „სოფლის“, „ტევადი“ და ა.შ.). სპეციალური სიმბოლოების გამოყენება დაშვებულია, თუმცა ნუ გაიმეორებთ მათ მიყოლებით (მაგალითად, !!! ან ***).
• გამოიყენეთ არამთავრული ასოები, რომლებიც, როგორც წესი, ყველაზე მარტივად იკითხება. თუ სათაურში იყენებთ დამწერლობას მთავრული ასოებით, უმჯობესია, მთავრული იყოს მხოლოდ პირველი სიტყვის პირველი ასო. სათაური უკეთ აღიქმება, თუ მასში არ იქნება ზედმეტი მთავრული ასოები (გამონაკლისია საკუთარი სახელები, მაგალითად, „Yellowstone“).

თუ ზუსტად არ იცით, როგორ შეადგინოთ მოკლე სათაური, სცადეთ შემდეგი მეთოდი:

• დაფიქრდით, რით არის საინტერესო და უნიკალური თქვენ მიერ სტუმრებისთვის შეთავაზებული საცხოვრებელი.
• ჩამოწერეთ რამდენიმე სიტყვა, რომლებიც ამას მაქსიმალურად კონკრეტულად აღწერს.
• ყველაფრის ჩაქსოვას ნუ შეეცდებით — დააინტერესეთ სტუმრები, რომ მეტი შეიტყონ.

აი, 3 კარგი მაგალითი:

• ზღვისპირა დასვენება კაიაკებით
• ვიქტორიანული განწყობა მისაღებში
• ეკოლოგიურად სუფთა სტუდიო LAX‑თან

თუ საბოლოო ვარიანტში ეჭვი გეპარებათ, სათაურის შეცვლა ნებისმიერ დროს შეგიძლიათ. უფრო მეტიც, მას ბევრი მასპინძელი ცვლის საყოფაცხოვრებო პირობების დამატებისას ან პირველი სტუმრებისგან მიღებული გამოხმაურების საფუძველზე.