კრიტერიუმები ცალკე და საზიარო საცხოვრებლებისთვის

საცხოვრებლის მაძიებლებს აინტერესებთ ხოლმე, იქაურობა საზიარო იქნება თუ მთლიანად მათ განკარგულებაში.

საცხოვრებლის Airbnb‑ზე განთავსებისას საშუალება გექნებათ, მიუთითოთ სამი ვარიანტიდან ერთ‑ერთი:

• საცხოვრებელი მთლიანად: სტუმრების გარდა საცხოვრებელში სხვა არავინ იქნება. როგორც წესი, მათ განკარგულებაშია საძილე სივრცე, სააბაზანო, სამზარეულო და ცალკე შესასვლელი.
• პირადი ოთახი: სტუმრებს ექნებათ თავიანთი საძინებელი და სხვებთან საზიარო სივრცეებით (მაგალითად, შესასვლელით, სააბაზანოთი და სამზარეულოთი) სარგებლობის შესაძლებლობა.
• საზიარო ოთახი: სტუმრებისთვის საძილედ გამოყოფილი სივრცე, შესაძლოა, თქვენთან ან სხვებთან საზიარო იყოს (მაგალითად, რამდენიმე სექციად გადატიხრული ოთახი, რომლით სარგებლობაც ცალკე ჯავშნების მქონე სტუმრებს შეუძლიათ).

მომდევნო ეტაპზე გთხოვთ, საკუთარი სიტყვებით აღწეროთ საცხოვრებელი. სურვილისამებრ, შეგიძლიათ დააზუსტოთ, რომელი სივრცეებია პირადი და რომელი — საზიარო. მაგალითად, თუ სტუმრებს საცხოვრებელს მთლიანად სთავაზობთ, მაგრამ იმავე ტერიტორიაზე ცხოვრობთ, აღნიშნეთ ეს გარემოება — ვთქვათ: „ჩვენ იქვე ვცხოვრობთ იზოლირებულ სახლში, რომელსაც სტუმრების კოტეჯთან საზიარო უკანა ეზო აქვს“.

თუ სიტუაცია შეიცვლება, საცხოვრებლის აღწერილობის განახლებას ნებისმიერ დროს შეძლებთ.