Airbnb‑სგან მიღებული გრანტით კანადაში ხელმისაწვდომი საცხოვრებლები აშენდა

კანადის პრინს‑ედუარდის კუნძულის პროვინციაში ჩარლი უკვე ორი წელია, რაც მასპინძლობს, თუმცა ადგილობრივ მოსახლეობაზე ზრუნვა მან გაცილებით ადრე დაიწყო. ის ფაქტობრივად გაიზარდა სახლების მშენებლობაში, რადგან დედამისი სწორედ ამ საქმეს ეწეოდა „Habitat for Humanity“‑სთან ერთად. ერთობლივმა მოხალისეობრივმა საქმიანობამ და ხელით მუშაობამ წარუშლელი კვალი დატოვა ჩარლიზე.

ჩარლი დღესაც „Habitat for Humanity New Brunswick“‑ის გვერდითაა და ეხმარება მას ადგილობრივი ოჯახებისთვის სახლების მშენებლობასა თუ რემონტში. ამ პროცესში მოხალისეებთან ერთად მეპატრონეებიც ერთვებიან. როცა პროექტი სრულდება, ოჯახები არა მხოლოდ საცხოვრებელს, არამედ შეღავათიან იპოთეკასაც იღებენ.

„ვხედავდი, რამხელა დახმარებას უწევდა „Habitat“ ოჯახებსა და ადგილობრივ მოსახლეობას. ის გასაოცარი ორგანიზაციაა და სწორედ ამიტომ ვუდგავარ მას გვერდში“, — ამბობს ჩარლი.

ჩარლიმ, ნიუ‑ბრანსუიკისა და პრინს‑ედუარდის კუნძულის მასპინძელთა კლუბის გაერთიანების ლიდერმა, წარადგინა „Habitat for Humanity“‑ს აფილირებული ორგანიზაციის კანდიდატურა Airbnb‑ს საზოგადოებრივი ფონდიდან დაფინანსების მისაღებად. მასპინძელთა კლუბების წევრებს ყოველწლიურად ეძლევათ საშუალება, დაეხმარონ ადგილობრივებს საზოგადოებრივი ფონდის მეშვეობით.

„Habitat for Humanity New Brunswick“‑მა მიიღო 75 000 აშშ დოლარის ოდენობის დაფინანსება Airbnb‑ს საზოგადოებრივი ფონდიდან. თანხა მომხმარდება ადგილობრივი ოჯახებისთვის 15 სახლის მშენებლობის დასრულებას.

„ფაქტობრივად იმაზე ორჯერ მეტ სახლს ავაშენებთ, ვიდრე ბოლო ორი წლის განმავლობაში“, — ამბობს პერი კენდელი, „Habitat for Humanity New Brunswick“‑ის გენერალური დირექტორი.

მიღებული თანხისა და „Habitat for Humanity“‑ს საქმიანობის მნიშვნელობა მხოლოდ სახლების მშენებლობით არ შემოიფარგლება. პერის თქმით, უსაფრთხო სახლის მშენებლობა ჯაჭვურ რეაქციას გამოიწვევს — ბავშვები უკეთ შეძლებენ სწავლას, მათი მშობლები კი უფრო მშვიდად მოაგვარებენ სამსახურის საკითხს.

2023 წელს Airbnb‑ს საზოგადოებრივი ფონდიდან დაფინანსების მისაღებად არაკომერციული ორგანიზაციების კანდიდატურები მასპინძელთა 50‑ზე მეტმა კლუბმა წარადგინა მსოფლიო მასშტაბით. 2024 წლისთვის განაცხადების მიღება უკვე დაწყებულია. დამატებითი ინფორმაციისთვის მიმართეთ მასპინძელთა ადგილობრივ კლუბს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.