სუპერმასპინძელი — გამორჩეული სტუმართმოყვარეობის ეტალონი
სუპერმასპინძლების პროგრამა აღიარებს და აჯილდოებს ყველაზე მაღალი შეფასებისა და გამოცდილების მქონე მასპინძლებს Airbnb‑ზე.
პროგრესის შემოწმება
სუპერმასპინძლობის უპირატესობები
სუპერმასპინძლის სტატუსი ნიშნავს მეტ ყურადღებას, შემოსავალსა და ექსკლუზიურ ჯილდოს — ამ გზით მადლობას გიხდით გამორჩეული სტუმართმოყვარეობისთვის.
უმასპინძლეთ მეტ სტუმარს
სტუმრების ყურადღების ცენტრში ყოფნა სუპერმასპინძლებს მეტი ჯავშნისა და შემოსავლის მიღებაში ეხმარება.
მიიღეთ განსაკუთრებული აღიარება
სტუმრები სუპერმასპინძლებს საუკეთესოთა შორის საუკეთესოებად მიიჩნევენ. მარკეტინგული ხასიათის ელწერილებისა და სუპერმასპინძლის ნიშნის დახმარებით მათი განცხადებები კიდევ უფრო მეტ ყურადღებას იქცევს.
წვდომა ექსკლუზიურ ჯილდოებზე
სუპერმასპინძლები, რომლებიც სტატუსს ინარჩუნებენ, ყოველწლიურად იღებენ 100$‑იან ვაუჩერს Airbnb‑სგან, ახალი მასპინძლების გაწევრიანებისთვის კი განსაზღვრულზე 20%‑ით მეტი ერგებათ.
სუპერმასპინძლის სტატუსის მიღების კრიტერიუმები
3 თვეში ერთხელ ვამოწმებთ, დააკმაყოფილეთ თუ არა ქვემოთ მითითებული კრიტერიუმები გასული წლის განმავლობაში.* დადებითი პასუხის შემთხვევაში მიიღებთ ან შეინარჩუნებთ სუპერმასპინძლის სტატუსს.
4,8-ზე მაღალი საერთო შეფასება
სუპერმასპინძლების საერთო საშუალო შეფასებაა 4,8 ვარსკვლავი ან მეტი (გასული წლის განმავლობაში სტუმრებისგან მიღებული მიმოხილვების საფუძველზე). სტუმრებმა იციან, რომ გამორჩეული სტუმართმოყვარეობა ელით.
10 ან მეტი სტუმრობა
სუპერმასპინძლებს გასული წლის განმავლობაში აქვთ მინიმუმ 10 დასრულებული ჯავშანი ან სტუმრობის 100 ღამე (მინიმუმ 3 დასრულებული ჯავშნის ფარგლებში). გამოცდილ მასპინძლებს მეტი თავდაჯერებულობით სტუმრობენ.
გაუქმების 1%-ზე დაბალი სიხშირე
სუპერმასპინძლები ჯავშნებს აუქმებენ 1%‑ზე ნაკლებ შემთხვევაში (საპატიო მიზეზით გაუქმების შემთხვევები არ ითვლება). ეს ნიშნავს 0 გაუქმებას, თუ მასპინძელს წელიწადის განმავლობაში მიღებული აქვს 100-ზე ნაკლები ჯავშანი. რაც უფრო იშვიათია გაუქმების შემთხვევები, მით უფრო მშვიდად არიან სტუმრები.
გამოხმაურების 90%-იანი სიხშირე
სუპერმასპინძლები ახალი შეტყობინებების 90%-ს პასუხობენ 24 საათის განმავლობაში. როცა სტუმრები რაიმეს გეკითხებიან, მათ იციან, რომ მალე უპასუხებთ.
პასუხები თქვენს შეკითხვებზე
როგორ მოვიქცე, თუ საგანგებო გარემოების გამო მიწევს ჯავშნის გაუქმება?
თუ ჯავშნის გაუქმება საგანგებო ან შეუქცევადი გარემოების გამო გიწევთ, შეამოწმეთ, ითვლება თუ არა თქვენი შემთხვევა საპატიოდ. საპატიო მიზეზით გაუქმება არ ითვალისწინებს საჯარიმო სანქციებს და არც სუპერმასპინძლის სტატუსის მიღების უფლებაზე აისახება. უბრალოდ, მიმართეთ Airbnb‑ს შესაბამისი მოთხოვნით ჯავშნის გაუქმებიდან 14 დღის განმავლობაში (ან მომდევნო სტუმრის დაბინავებამდე). გაითვალისწინეთ, შესაძლოა, დაგჭირდეთ გარკვეული დამადასტურებელი დოკუმენტების წარდგენა Airbnb‑სთვის.შეიტყვეთ ვრცლად Airbnb‑ს საპატიო მიზეზების დებულების შესახებ.
სუპერმასპინძელი რომ გავხდე, საჭიროა თუ არა მასპინძლობის მინიმუმ ერთწლიანი გამოცდილება?
სუპერმასპინძლის სტატუსის მისაღებად განსაკუთრებული გამოცდილება სავალდებულო არ არის. თუ შეფასების პერიოდში (რომელიც 3 თვეში ერთხელაა) ყველა კრიტერიუმს დააკმაყოფილებთ, სუპერმასპინძლის სტატუსს მოიპოვებთ.სუპერმასპინძლობის კრიტერიუმებთან შესაბამისობის ყოველი შემოწმებისას ფასდება გასული წლის მაჩვენებლები.
განაცხადის წარმოდგენა მჭირდება?
თუ შეფასების თარიღისთვის პროგრამის კრიტერიუმები დაკმაყოფილებული გექნებათ, სუპერმასპინძლის სტატუსი ავტომატურად მოგენიჭებათ — განაცხადის წინასწარ წარმოდგენა საჭირო არ არის.სტატუსს შეფასების ყოველი პერიოდის ბოლოს გაცნობებთ. სუპერმასპინძლის ნიშნის თქვენს განცხადებაში ასახვას, შესაძლოა, 1 კვირამდე დასჭირდეს.შეიტყვეთ ვრცლად სუპერმასპინძლის სტატუსის მიღების შესახებ.
